އެ ރިޕޯޓް ރައީސް ނަޝީދަށް އެރުވީ މިމަހުގެ ދެވަނަ ދުވަހު
ރިލްވާނާ ގުޅޭ ތަހުގީގު ރިޕޯޓު ރައީސް ނަޝީދަށް އަރުވަނީ
މަރާލާފައިވާ މިނިވަން ނޫހުގެ ނޫސްވެރިޔާ އަހުމަދު ރިލްވާނާ ގުޅޭގޮތުން ރިޔާސީ ކޮމިޝަނުން ތައްޔާރުކުރި ތަފްސީލް ރިޕޯޓު، ރައްޔިތުންގެ މަޖިލިހުގެ މެމްބަރުންނާއި ހިއްސާކުރުމަށްވެސް ވިސްނަމަމުންދާކަމަށް މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
މަޖިލީހުގައި ބުރާސްފަތި ދުވަހު ބޭއްވި ޖަލްސާގައި ވާހަކަފުޅުދައްކަވަމުން ރައީސް ނަޝީދު ވިދާޅުވީ ތަފްސީލް ރިޕޯޓު، ރައްޔިތުންގެ މަޖިލިހުގައި ހިމެނޭ ސިޔާސީ ޕާޓީތަކުގެ ޕާލަމެންޓްރީ ގްރޫޕްގެ ލީޑަރުންނާ ހިއްސާ ކުރެއްވި ކަމަށާއި އެ ރިޕޯޓު މެމްބަރުންނަށް ވެސް ދެއްވުމަށް ވިސްނަމުން ދާކަމަށެވެ.
ތަފްސީލީ ރިޕޯޓް ރައީސް ނަޝީދަށް މަރު ކޮމިޝަނުން އެރުވީ ހޯމަ ދުވަހުއެވެ. ހަމަ އެދުވަހު ރައީސް ނަޝީދު ވަނީ ސިޔާސީ ޕާޓީތަކުގެ ލީޑަރުންނަށް އެ ރިޕޯޓް ދެއްވާފައެވެ.
ރިލްވާނާ ގުޅޭ ތަފްސީލް ޑްރާފްޓް ރައްޔިތުންގެ މަޖިލީހުގެ ރައީސް މުހައްމަދު ނަޝީދާއި ޕާޓީތަކުގެ ޕާލަމެންޓްރީ ގުރޫޕްތަކުގެ ލީޑަރުންނަށް އެރުވުމުން ބޮޑެތި ފާޑުކިޔުން އަމާޒުވިއެވެ.
އެއަށް ރައްދު ދެއްވާ ރައީސް ނަޝީދު ވިދާޅުވީ އެ ރިޕޯޓުގައި ސިއްރު ހެކިން ހާމަ ކޮށްފައި ނުވާކަމަށާއި ސިޔާސީ ޕާޓީތަކުގެ ލީޑަރުންނަށް އެމަނިކުފާނު ހިއްސާކުރެއްވި ރިޕޯޓް "ލީކް" ނުކުރައްވާނެ ކަމުގެ އިތުބާރު އެބައޮތް ކަމަށެވެ. އަދި އެރިޕޯޓް ދެއްވީ އަތުލެއްވުމަށް ނޫންކަމަށާއި އެރިޕޯޓް އަތުލެއްވުމުގެ ވިސްނުންފުޅެއްވެސް ނުގެންގުޅުއްވާކަމަށް ރައީސް ނަޝީދު ވިދާޅުވި އެވެ.
އާންމުންނަށް އާންމު ކުރީ ޚުލާސާ ރިޕޯޓްކަން ފާހަގަ ކުރައްވައި ރައީސް ނަޝީދު ވިދާޅުވީ ރިލްވާންގެ ރިޕޯޓު އާންމުކުރުމުން ލިބުނު ފައިދާ އާއި ނަތީޖާ ގިނަ ކަމަށް މަރާލާފައިވާ މީހުންނާއި ގެއްލުވާލާފައިވާ މީހުންގެ މައްސަލަތައް ތަހުގީގު ކުރަން ރައީސް އިބްރާހިމް މުހައްމަދު ސޯލިހް އުފެއްދެވި ރިޔާސީ ކޮމިޝަނުގެ ރައީސް ހުސްނުއް ސުއޫދު ވިދޅުވެފައިވާ ކަމަށެވެ.
