ބައިނަލްއަޤުވާމީ ޓީޗާރސް ކޮންފަރެންސްގައި ބައިވެރިވެވަޑައިގަތުމަށް ނައިބު ރައީސް އައްޑޫއަށް ވަޑައިގެންފި
4 ސެޕްޓެމްބަރު 2019 | ބުދަ 05:37މިއީ 2 ދުވަހުގެ މުއްދަތަށް ކުރިޔަށް ދާ ކޮންފަރެންސެއް
ނައިބު ރައިސް އައްޑުއަށް ވަޑައިގަތުން
ބައިނަލްއަގްވާމީ ޓީޗަރސް ކޮންފަރެންސްގައި ބައިވެރިވެވަޑައިގަތުމަށް ރައީސުލްޖުމްހޫރިއްޔާގެ ނައިބު ފައިސަލް ނަސީމް އައްޑޫއަށް ވަޑައިގެންފިއެވެ.
މި ކޮންފަރެންސްގައި ބައިވެރިވުމަށް ދިވެހިރާއްޖޭގެ ޤައުމީ ޔުނިވަރސިޓީގެ އައްޑޫސިޓީ ކެމްޕަސް ކުރިމައްޗަށް ވަޑައިގަތުމުން ރައީސުލްޖުމްހޫރިއްޔާގެ ނައިބުގެ ޝަރަފުގައި އައްޑޫ ސްކޫލްތަކުގެ ސީނިއަރ ކެޑޭޓުން ވަނީ ޝަރަފުގެ ގާޑެއް އަރުވާފައެވެ. އެޑިއުކޭޝަން މިނިސްޓްރީން ވިދާޅުވީ ކޮންފަރެންސްގެ މައިގަނޑު މަޤްސަދަކީ ސުކޫލުތަކުގައި މަސައްކަތް ކުރައްވާ ޓީޗަރުންގެ މެދުގައި ދިރާސާގެ ސަޤާފަތް ޤާއިމު ކުރުމާއި، އިލްމީ މަސައްކަތްތައް ކުރައްވާ ބައިނަލްއަޤުވާމީ ފަރާތްތަކަށް ރާއްޖެ ހުޅުވާލުމާއި، އެފަދަ ފަރާތްތަކުގެ މަސައްކަތްތައް ހިއްސާ ކުރާނެ ޕްލެޓްފޯމެއް ޤާއިމު ކުރުން ކަމަށެވެ.
ކޮންފަރެންސްއަށް ކަރުދާސް ހުށައެޅުމުގެ ފުރުސަތު މިއަހަރުގެ 30 ޖުލައިއަށް ހަމަވެފައިވާއިރު، މި ބައްދަލުވުމުގައި ހުށައެޅޭ ދިރާސާތަކާއި މަސައްކަތްތަކުގެ އަލީގައި ސުކޫލުތަކުގެ ކިޔަވައިދިނުމަށް ރަނގަޅު ބަދަލެއް ގެނެވޭނެ ކަމަށް މިނިސްޓްރީން ވަނީ ބުނެފައެވެ. މި ބައްދަލުވުމުގައި ހުށައެޅޭ ދިރާސާތަކާއި މަސައްކަތްތަކުގެ އަލީގައި ސުކޫލު ތަކުގެ ކިޔަވައިދިނުމަށް ރަނގަޅު ބަދަލެއް ގެނެވޭނެ ކަމަށް އުއްމީދު ކުރައްވާ ކަމަށް ވެސް އޭނާ ވިދާޅުވިއެވެ.
ބައިނަލްއަޤުވާމީ ޓީޗަރުންގެ ކޮންފަރެންސް ކޮންމެ ދެ އަހަރަކުން އެއް އަހަރު ބާއްވާއިރު، ލާމަރުކަޒީ ގޮތުން އިދާރާތައް ހިންގުމަށް ސަރުކާރުން ގެންގުޅޭ ސިޔާސަތަށް އެއްބާރުލުން ދިނުމަށް މިއީ އައްޑޫ ސިޓީގައި މި ބައްދަލުވުން ކުރިއަށްގެންދާ ފުރަތަމަ ފަހަރެވެ.
ކޮންފަރެންސްގައި ނައިބު ރައީސްގެ އިތުރުން އެޑިއުކޭޝަން މިނިސްޓަރ އައިޝަތު އަލީ އާއި މިނިސްޓްރީގެ އިސްފަރާތްތައް ބައިވެރިވެވަޑައިގަންނަވައެވެ،
