ރ.އަތޮޅުގެ ޤުރުއާން މުބާރާތް ނޮވެންބަރު މަހު ބާއްވަން ނިންމައިފި
2 ސެޕްޓެމްބަރު 2019 | ހޯމަ 05:45މުބާރާތް ބޭއްވުމަށް ހަމަޖެހިފައިވަނީ ނޮވެމްބަރ މަހުގެ 15 ން 20 އަށް
މީގެ ކުރިން ރ.އަތޮޅުގައި ބޭއްވި ޤުރުއާން މުބާރާތެއްގެ ތެރެއިން
ރ.އަތޮޅުގެ ޤުރުއާން މުބާރާތް ނޮވެންބަރު މަހު ބާއްވަން ނިންމައިފިއެވެ.
އުނގޫފާރު ކައުންސިލުން ބުނީ އެރަށުގައި ބޭއްވުމަށް ހަމަޖެހިފައިވާ އަތޮޅު ޤުރުއާން މުބާރާތް ބޭއްވުމަށް ހަމަޖެހިފައިވަނީ މިއަހަރުގެ ނޮވެމްބަރ މަހުގެ 15 ން 20 އަށް ކަމަށެވެ.
ކައުންސިލުން ބުނީ މިމުބާރާތުގައި ބައިވެރިވުމަށް ޝައުގުވެރިވާ ފަރާތްތަކުން 19 ސެޕްޓެމްބަރ 2019 ވަނަ ދުވަހުގެ 14.00 ގެ ކުރިން އަތޮޅު ޤުރުއާން މުބާރާތުގައި ބައިވެރިވުމަށް އެދޭ ފޯމް ފުރުމަށް ފަހު ކައުންސިލް އިދާރާއަށް ހުށަހެޅުމަށް އެދޭ ކަމަށެވެ.
މުބާރާތުގައި ބައިވެރިވުމަށް އެދޭ ފޯމް ދޫކުރުމާއި ބަލައިގަތުމަށް ހަމަޖެހިފައިވަނީ ރަސްމީ ކޮންމެ ދުވަހެއްގެ ހެނދުނު 9:00 ން 13:00 އަށް ކަމަށް ކައުންސިލުން މައުލޫމާތުދެއެވެ.
މީގެ އިތުރުން ކައުންސިލުން ބުނީ މިމުބާރާތުގައި ސްކޫލްތަކުގެ ފޮތުން ކިޔެވުމުގެ ބައިން 5 ބައިވެރިން، ހިތުން ކިޔެވުމުގެ ބައިން 5 ބައިވެރިން، އާއްމު ބައިން ފޮތުން ކިޔެވުމުން 3 ބައިވެރިން، ހިތުން ކިޔެވުމުގެ ބައިން 3 ބައިވެރިން އަދި ޙާފިޘުންގެ ބައިން 1 ބައިވެރިން ބައިވެރި ވެވޭގޮތަށް އަތޮޅު ޤުރުއާން މުބާރާތުގެ ޤަވާއިދަށް ބަދަލުގެނެވިފައިވާ ކަމަށެވެ.
ކައުންސިލުން ބުނީ މިމުބާރާތުގައި ބައިވެރިވުމަށް އެދި ހުށަހަޅާ ފަރާތްތަކުގެ މެދުގައި އޮޑިޝަނެއް ބާއްވާނެ ކަމަށާއި، އެންމެ ރަގަޅު ބައިވެރިން ނަގާ އަތޮޅު މުބާރާތަށް ފޮނުވުމަށް ކައުންސިލުން ނިންމާފައިވާ ކަމަށެވެ.
