ލިތުއޭނިއާގެ ބޮޑު ވަޒީރު ސޯލޮސް ކޮވާނާލޮސް އަށް ކެންސަރުގެ ބައްޔެއް ކަމަށްވާ ލިއޮފޯމާ ޖެހި ފަރުވާ ހޯއްދަވަން ފަށައިފިއެވެ.
ލިތުއޭނިއާގެ ވެރިރަށް ވިލްނަސް ގައި ނޫސްވެރިންނަށް މައުލޫމާތު ދެއްވަމުން ސޯލޮސް ވިދާޅުވީ، އެމަނިކުފާނުގެ މިހާރު ހުންނެވީ ލިއޮފޯމާގެ ފުރަތަމަ ސްޓޭޖްގައި ކަމަށާއި، އަންގާރަ ދުވަހު ފުރަތަމަ ކީމޯ ތެރަފީ ސެޝަންތައް ނަންގަވާފައިވާ ކަމަށެވެ. އަދި ސެޕްޓެމްބަރު މަހާއި އޮކްޓުބަރު މަހު ކީމޯތެރަފީ ހައްދަވަން ޖެހޭނެ ކަމަށް އެމަނިކުފާނު ވިދާޅުވިއެވެ.
ބޮޑު ވަޒީރު ވިދާޅުވީ، ބަލި އަވަހަށް ރަނގަޅުވާނެކަން ޑޮކްޓަރުން ޔަގީން ކޮށްދީފައިވާ ކަމަށާއ، ހަށިގަނޑުގެ އެހެން ގުނަވަންތަކަށް އެ ބަލި ފެތުރިފައިނުވާ ކަމަށެވެ. އެމަނިކުފާނަށް ލިއޮފޯމާ ޖެހިވަޑައިގެންނެވިކަން އެނގިވަޑައިގަތީ މޭ މަހު ބޭއްވި ރިޔާސީ އިންތިހާބު ތެރޭގައި ހެއްދެވި މެޑިކަލް ޗެކްއަޕަކުންނެވެ.
މީގެ ކުރިން ލިތުއޭނިއާގެ ފުލުހުންގެ އިސްވެރިޔާގެ މަގާމުގެ އިތުުރުން އިންޓީރިއަރ މިނިސްޓަރުގެ މަގާމު އަދާކުރެއްވި އުމުރުން 49 އަހަރުގެ ސޯލޮސް ބޮޑު ވަޒީރު ކަމުގެ މަގާމަށް ހޮވިވަޑައިގެންނެވީ 2016 ވަނަ އަހަރުގައެވެ.
