މާފުށީ އަދި ގުރައީދޫގެ ބިން ހިއްކަން ފަށަނީ
27 އޯގަސްޓު 2019 | އަންގާރަ 14:25މި ދެ މަޝްރޫއުގެ ޖުމްލަ އަގަކީ 186 މިލިއަން ރުފިޔާ
މާފުށި އަދި ގުރައިދޫގެ ބިންހިއްކުމުގެ މަޝްރޫއުގެ އެއްބަސްވުމުގައި ސޮއިކުރުން
ކ. މާފުށި އަދި ކ. ގުރައިދޫގެ ބިން ހިއްކުމުގެ މަޝްރޫއުގެ އެއްބަސްވުމުގައި މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އާއި އެކު ސޮއިކޮށްފި އެވެ.
މިނިސްޓްރީ އޮފް ނެޝަނަލް ޕްލޭނިންގ އެންޑް އިންފްރާ ސްޓަރަކްޗަރ އިން އަންގާރަ ދުވަހު ކޮށްފައިވާ ޓްވީޓްގައި ވާގޮތުން މި ދެ ރަށުގެ ބިން ހިއްކުމުގެ މަޝްރޫގައި އެމްޓީސީސީއާ ހަވާލުކޮށްފައިވަނީ 225 ދުވަސް ތެރޭ ނިންމުމަށެވެ.
މި ދެ މަޝްރޫއުގެ ޖުމްލަ އަގަކީ 186 މިލިއަން ރުފިޔާ އެވެ.
މާފުށި ބިން ހިއްކުމަށް 99.98 މިލިއަން ރުފިޔާ ޚަރަދު ކުރެވޭ އިރު ގުރައިދޫ ބިން ހިއްކުމަށް 85.93 މިލިއަން ރުފިޔާ ޚަރަދުކުރެވޭނެ ކަމަށް ޕްލޭނިން މިސްޓްރީން މައުލޫމާތު ދެއެވެ.
މި ސޮއިކުރެވުނު މަޝްރޫޢަކީ މި ސަރުކާރުގެ ފުރަތަމަ މަޝްރޫޢަށް ވެފައި ވާއިރު ފުރަތަމަ ބިން ހިއްކާ ރައްތަކުގައި ތެރޭގައި މާފުށި ހިމެނުއްވުމަކީ ރައީސް އިބްރާހިމް މުހައްމަދު ސޯލިހްގެ ރިޔާސީ ވައުދުފުޅެކެވެ.
