ޕާކްކޮށްފައި އޮތް ޓެކްސީ އަކުން ވައްކަން ކުރަން އުޅުނު މީހަކު ހައްޔަރުކޮށްފި
އެ މިހާ ފުލުހުންގެ ބެލުމުގެ ދަށަށް ގެނެސްފައިވަނީ ރޭ ދަންވަރު 2.31 ހާއިރު
ކާރުން ވައްކަން ކުރަން އުޅުނީ އުމުރުން 34 އަހަރުގެ ފިރިހެނެއް
އިންޑަސްޓްރިއަލް ޒޯންގައި ޕާކްކޮށްފައި އޮތް ޓެކްސީ އަކުން ވައްކަން ކުރަން އުޅުނު ކަމުގެ ތުހުމަތުގައި މީހަކު ހައްޔަރުކޮށްފިއެވެ.
ފުލުހުންގެ މީޑިޔާ އޮފިޝަލް ވިދާޅުވީ އެ މިހާ ފުލުހުންގެ ބެލުމުގެ ދަށަށް ގެނެސްފައިވަނީ ރޭ ދަންވަރު 2:31 ހާއިރު މާލެ ތެރެ ޕެޓްރޯލް ކުރަން އުޅުނު ފުލުހުން ކަމަށެވެ. އޭނާ ފުލުހުންގެ ބެލުމުގެ ދަށަށް ގެނެވުނު އިރު ހުރީ ޓެކްސީގެ ފަހަތު ދޮރުގެ ބިއްލޫރި ގަނޑު ނައްޓާލައިގެން ވަދެ ޓެކްސީ ތެރޭގައި ކަމަށް ފުލުހުންގެ މީޑިޔާ އޮފިޝަލް ވަނީ ވިދާޅުވެފައެވެ.
ފުލުހުންގެ މީޑިޔާ އޮފިޝަލް ވިދާޅުވީ އުމުރުން 34 އަހަރުގެ، އެ ފިރިހެންމީހާ ހުއްޓުވައި ބަލާ ފާސްކުރިއިރު ކަށިގަނޑަކާއި ކަޓަރެއް އޭނާ އަތުން ފެނިފައިވާ ކަމަށެވެ.
ފުލުހުން ދަނީ މި މައްސަލަ އިތުރަށް ތަހުގީގް ކުރަމުންނެވެ.
