ނޯމަލައިޒޭޝަން ކޮމެޓީ ގައުބޫލުކޮށް އެމްއޯސީން އެކަން އެފްއައިވީބީ އަށް އަންގައިފި

މިނިސްޓްރީ އޮފް ޔޫތް، ސްޕޯޓްސް އެންޑް ކޮމިއުނިޓީ އެމްޕަވަރމެންޓް އިން އައްޔަން ކުރި ވޮލީ ބޯޅައިގެ ނޯމަލައިޒޭޝަން ކޮމިޓީ ގަބޫލުކޮށް އެކަން މޯލްޑިވްސް އޮލިމްޕިކް ކޮމިޓީ (އެމްއޯސީ) އިން ވޮލީގެ މައި އިދާރާ އިންޓަރ ނޭޝަނަލް ވޮލީބޯޅަ ފެޑަރޭޝަންއަށް އަންގައިފިއެވެ.

އެމްއޯސީން މިކަން އެފްއައިވީބީއަށް އަންގައިފައިވާއިރު އެކޮމިޓީ އަށް މިނިސްޓްރީއިން އައްޔަން ކުރައްވައިފައިވަނީ:-

1. އަބްދުﷲ އާމިރު (ރައީސް)

2. އަހްމަދު އިސްމާއީލް (ނައިބު ރައީސް)

3. އަހްމަދު އިބްރާހީމް (މެމްބަރު)

4. މަރިޔަމް ޖުމާނާ (މެމްބަރު)

5. ހުސެއިން މުހައްމަދު (މެމްބަރު)

އެމްއޯސީން ބުނީ އެ ކޮމިޓީން ގަބޫލުކުރާ ގޮތުގައި ވޮލީ ނޯމަލައިޒޭޝަން ކޮމިޓީން ދިވެހިރާއްޖޭގެ ވޮލީއަށް އިންގިލާބީ ބަދަލެއް ގެނަސްދެވޭނެ ކަމަށާއި ވޮލީ އާއިލާގެ ރޫހު އިތުރަށް ނޯމަލައިޒޭޝަން ކޮމިޓީއާއެކު ގެނަސް ދެވޭނެކަމަށެވެ.

އެމްއޯސީން ވަނީ އެފްއައިވިބީން ނޯމަލައިޒޭޝަން ކޮމިޓީ ގަބޫލުކޮށް އެކޮމިޓީއަށް އިންޓަނޭޝަނަލް ފޯރަމްތަކާއި ސެމިނާފަދަ ހަރަކާތްތަކުގައި ބައިވެރިވެވޭނެ ގޮތް ހައްދަވައިދެއްވުމަށެވެ.

އެމްއޯސީން ވަނީ ނޯމަލައިޒޭޝަން ކޮމިޓީގެ މެމްބަރ އަހްމަދު އިބްރާހީމަށް މިމަހުގެ 23 ގައި ބޭއްވޭ އޭޝިއަން ވޮލީ ބޯޅަ ފެޑަރޭޝަންގެ އަހަރީ ޖަލްސާގައި ބައިވެރިވެވޭނެ ގޮތް ހަމަޖައްސަވައިދެއްވުމަށްވެސް އެފްއައިވީބީގައި އެދިފައެވެ.

ވީއޭއެމްއާ ގުޅޭގޮތުން ހުށަހެޅުނު ގިނަ ޝަކުވާތަކެއްގެ މައްސަލަ ކޮމިޓީއެއް މެދުވެރިކޮށް މެއި މަހު 21 ވަނަ ދުވަހުން ފެށިގެން ބެލުމަށް ފަހު އެ، އިދާރާގެ ހިންގުން ރަނގަޅުކުރުމުގެ ގޮތުން ކޮމިޝަނާ އޮފް ސްޕޯޓްސް ހީނާ އަހުމަދު ސަލީމް (ބޮޑު ހީނާ) ވަނީ އިންޓަރިމް ކޮމިޓީއަކާ ހަވާލުކޮށްފައެވެ.