އާދީއްތަ 22 ސެޕްޓެންބަރ 2019
02 އަތަ
1441 މަހައްރަމް 23
ފަތިސް 04:43
އިރުއަރާ 05:54
މެންދުރު 12:03
އަސްރު 15:07
މަޣްރިބް 18:04
އިޝާ 19:15
ރާއްޖެ - އިންޑިއާ އިންސްޓިޓިއުޝަން އޮފް މެޑިކަލް ސައިންސް

އެއިމްސް ގައި ހިނގި އަލިފާނުގެ ހާދިސާގައި ދިވެއްސަކަށް ގެއްލުމެއް ނުވޭ

  • އަލިފާން ރޯވި މެންދުރު
  • އެއްވެސް މީހަކަށް ގެއްލުމެއް ނުވޭ
  • ބަލީ މީހުން ވަނީ އެހެން ތަނަކަށް ބަދަލުކޮށްފައި

އަލީ ސަމާޚް
AliSamah8

ކ. މާލެ 17 އޯގަސްޓު 2019 | ހޮނިހިރު 22:12 6,647

އަލިފާން ނިންވުމުގައި ފަޔަރމަނުން ހަރަކާތްތެރިވަނީ - އިންޑިޔާ ޓުޑޭ

އިންޑިއާގެ ވެރިރަށް ދިއްލީގައި ހުންނަ އޯލް އިންޑިއާ އިންސްޓިޓިއުޝަން އޮފް މެޑިކަލް ސައިންސް (އެއިމްސް) ގައި ހޮނިހިރު ދުވަހު ހިނގި އަލިފާނުގެ ހާދިސާގައި އެތަނުގައި ޑޮކްޓަރީކަން ކިޔަވަމުންދާ އެއްވެސް ދިވެހި ދަރިވަރަކަށް ގެއްލުން ވެފައިނުވާ ކަމަށް އިންޑިއާގައި ހުންނަ ދިވެހި އެމްބަސީން ބުނެފިއެވެ.

ޝޯޓް ސަރކިޓެއްގެ ސަބަބުން ޓީޗަރުންގެ ބްލޮކުގައި އަލިފާން ރޯވެ އެމެޖެންސީ ލެބޯރްޓަރީ ގައި ހުޅުހިފާ އެތަނުގައި ތިބި ލިޔެކިޔުންތައް ވަނީ އަނދާފައެވެ. އެވަގުތު އޮޕަރޭޝަން ތިއޭޓަރުގައި ތިބި މީހުން ވަނީ އެހެން ހޮސްޕިޓަލުތަކަށް ބަދަލުކޮށްފައެވެ. އަލިފާން ނިންވުމުގައި ދިއްލީ ފަޔަރ ސަރވިސްގެ 22 ފަޔަރމަނުން ވަނީ ހަރަކާތްތެރިވެފައެވެ.

އިންޑިއާގައި ހުންނަ ރާއްޖެ އެމްބަސީން ބުނީ، އެ ހާދިސާ ގާތުން ބަލަމުންދާ ކަމަށާއި، އެތަނުގައި ކިޔަވަމުންދާ އެއްވެސް ދިވެހި ދަރިވަރަކަށް އަނިޔާވެފައިނުވާ ކަމަށެވެ.

އެހީތެރިކަމެއް ބޭނުންވެ ހިނދެއްގައި އެމްބަސީ އަށް ގުޅުމަށް އެތަނުން ވަނީ އިލްތިމާސް ކޮށްފައެވެ.

އަލިފާނުގެ ހާދިސާގައި އެއްވެސް މީހަކަށް ގެއްލުން ލިބިފައިވާނުވާ ކަމަށް އިންޑިއާގެ ނޫސްތަކުން ރިޕޯޓްކުރެއެވެ. އެއިމްސް ގައި އަލިފާނުގެ ހާދިސާ އެއް ހިނގާފައިވާއިރު، އިންޑިއާގެ ކުރީގެ ފިނޭންސް މިނިސްޓަރު އަރުން ޖެއިޓްލީ އަށް ދަނީ އެ ހޮސްޕިޓަލުގެ އައިސީޔޫގައި ފަރުވާދެމުންނެވެ. އެކަމަކު އެ ހިސާބަށް އަލިފާނުގެ އަސަރު ކޮށްފައެއް ނުވެއެވެ.

އެންމެ ފަހުން އަޕްޑޭޓް ކުރީ: 1 މަސްކުރި | ރިވިއު ކުރީ: އަމަން ހަލީމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް