އެމެރިކާގެ ބައެއް އެއާޕޯޓުތަކުގެ ސިސްޓަމްތައް ޑައުންވެ، ފްލައިޓްތައް ޑިލޭވެއްޖެ
ޑައުންވި ސިސްޓަމްތައް މިހާރު އަންނަނީ އޮންލައިންވަމުން
އެމެރިކާގެ އެއާޕޯޓެއް
އެމެރިކާގެ ބައެއް އެއާޕޯޓްތަކުގެ ސިސްޓަމްތައް ޑައުންވުމުގެ ސަބަބުން ފްލައިޓްތައް ޑިލޭވެއްޖެއެވެ.
އެމެރިކާގެ ކަމާބެހޭ ފަރާތްތަކުން ބުނީ، ސިސްޓަމްތައް ޑައުންވި ނަމަވެސް، މިހާރު މަޑުމަޑުން ސިސްޓަމްތައް އަނބުރާ އޮންލައިންވަމުން އަންނަ ކަމަށާއި، މިކަމުގެ ސަބަބުން ފްލައިޓްތައް ޑިލޭވި ކަމަށެވެ.
ލޮސް އެންޖެލެސް އެއާޕޯޓުން ކުރި ޓުވީޓެއްގައި ބުނީ، ސިސްޓަމްތަކުން މިހާރު އަނބުރާ ހިދުމަތް ލިބެމުން އަންނަ ކަމަށާއި، ނަމަވެސް ފްލައިޓްތަކަށް އޭގެ އަސަރުނުކުރާ ކަމަށެވެ.
އެމެރިކާގެ ބައެއް އެއާޕޯޓްތަކުގެ ސިސްޓަމްތަކަށް ދިމާވި ސީދާ މައްސަލައެއް އަދި ހާމަނުކުރެއެވެ. ނަމަވެސް ޑައުންވި ސިސްޓަމްތަކުން މިހާރު އަނބުރާ ހިދުމަތް ލިބެން ވަނީ ފަށައިފައެވެ.
ފްލައިޓްތައް ޑިލޭވުމާއެކު، ބައެއް އެއާޕޯޓްތަކުގެ ފްލައިޓްތައް އެތައް ގަޑިއިރެއް ޑިލޭވުމުން، ފަސިންޖަރުން ވަނީ އެކަމާ ސޯޝަލް މީޑިއާގައި ނުރުހުން ފާޅުކޮށްފައެވެ.
