އައްޑޫ މެޑިސިޓީ ކްލިނިކުގެ މޯބައިލް އެޕްލިކޭޝަން ތައާރަފްކޮށްފި
16 އޯގަސްޓު 2019 | ހުކުރު 06:51އެޕްތައްޔާރުކުރީ އައްޑޫ އަށް ނިސްތަބްވާ ފަރާތެއް
އައްޑޫ މެޑިސިޓީ ކްލިނިކް
އައްޑޫގައި ހުންނަ "މެޑިސިޓީ" ކްލިނިކުން ކަސްޓަމަރުންނަށް ފަސޭހައިން ޚިދުމަތް ލިބިގަނެވޭނެ މަގުފަހި ކުރުމަށްޓަކައި ޚާއްސަ މޯބައިލް އެޕްލިކޭޝަނެއް ތައާރަފްކޮށްފިއެވެ.
އައްޑޫސިޓީ ފޭދޫގައި ހުންނަ މެޑިސިޓީ ކްލިނިކްގައި ބޭއްވި ޚާއްސަ ރަސްމިއްޔާތެއްގައި މި އެޕްލިކޭޝަން ތައާރަފްކޮށްދެއްވީ ރައްޔިތުންގެ މަޖިލީހުގެ ފޭދޫ ދާއިރާގެ މެމްބަރު މުހައްމަދް ނިޙާދެވެ. އެގޮތުން މި އެޕްލިކޭޝަން މިހާރު ގޫގަލް ޕްލޭ ސްޓޯރާއި އެޕަލް ސްޓޯރުން ލިބެން ހުރިއިރު، މީގެ ސަބަބުން ޚިދުމަތް ހޯދާ ފަރާތަށް ވަރަށް ގިނަ ލުއިތަކެއް ލިބިގެންދާނެއެވެ.
މި އެޕްލިކޭޝަން މެދުވެރިކޮށް ލިބޭ ޚިދުމަތްތަކުގެ ތެރޭގައި އޮންލައިންކޮށް ޓޯކަން ނަންބަރު ބެލުމާއި، ޑޮކްޓަރުންގެ އެންމެ ފަހުގެ ޝެޑިއުލް ބެލުމުގެ އިތުރުން، ޑޮކްޓަރުންގެ މައުލޫމާތު ބެލުމަށްފަހު އެޕޮއިންޓްމަންޓު ހެދުންވެސް ހިމެނެއެވެ. އޭގެ އިތުރުން، ކްލިނިކްގެ ޑިޕާރޓްމަންޓު ތަކުގެ މައުލޫމާތާއި، ފޯރުކޮށްދޭ ޚިދުމަތްތަކުގެ މައުލޫމާތުވެސް ލިބިގެންދާއިރު، ސިއްހީ ގޮތުން ގުޅުންހުރި މުހިއްމު މައުލޫމާތުތައްވެސް ލިބިގެންދެއެވެ.
އައްޑޫސިޓީގެ ނޫހެއް ކަަމަށްވާ "އައްޑޫލައިވް" އިން ބުނާ ގޮތުގައި މި އެޕްލިކޭޝަން ތައްޔާރު ކޮށްފައިވަނީ އައްޑޫ އަށް ނިސްތަބްވާ ފަރާތެކެވެ.
