ކިރިގިސްތާނުގެ ކުރީގެ ރައީސް ގެންނަން އުޅުއްވީ ''ބަޢާވާތެއް''
14 އޯގަސްޓު 2019 | ބުދަ 04:02ހައްޔަރު ކޮށްފައިވަނީ ބުރާސްފަތި ދުވަހު
ކިރިގިސްތާނުގެ ކުރީގެ ރައީސް އަލްމަޒްބެކް އަޓަމްބެޔެވް
އަމިއްލަ ގެކޮޅުގައި ހުންނަވަނިކޮށް ފުލުހުން ހައްޔަރު ކުރި ކިރިގިސްތާނުގެ ކުރީގެ ރައީސް އަލްމަޒްބެކް އަޓަމްބެޔެވް އެ ގައުމަށް ''ބަޢާވަތެއް'' ގެންނަަަވަން އުޅުއްވި ކަމަށް ސަލާމަތީ ބާރުތަކުން ކަމަށް ތުހުމަތު ކޮށްފި އެވެ.
ނިމިގެން ދިޔަ ހަފްތާގެ ބުރާސްފަތި ދުވަހު އަޓަމްބެޔެވް ހައްޔަރު ކޮށްފައިވަނީ، އެމަނިކުފާނު ހައްޔަރު ކުރުމަށް ބުދަ ދުވަހު ފުލުހުން މަސައްކަތް ކުރުމުން އެމަނިކުފާނަށް ތާއިދު ކުރާ ފަރާތްތަކާއި ފުލުހުންނާ ދެމެދު ކުރިމަތުލުންތަކެއް ހިނގާ އެކަކު މަރުވެފައި ވަނި ކޮށެވެ.
އަންގާރަ ދުވަހު ބޭއްވި ނޫސްކޮންފަރެންސް ގައި ގައުމީ ދިފާއިބާރުގެ އިސްވެރިޔާ އޮރުޒްބެކް އޮޕުމްބަޔެވް ވިދާޅުވީ، ކުރީގެ ރައީސް މަސައްކަތް ކުރެއްވީ އެ ގައުމަށް ''ބަޢާވާތެއް'' ގެންނަ ކަމަށެވެ.
ފުލުހުން އަޓަމްބަޔެވް ދިރިއުޅުއްވާ ގެކޮޅުގެ ރެއިޑް ޖަހާފައިވަނީ އެމަނިކުފާނުގެ ވެރިކަމުގެ ދުވަސްވަރު ނުރައްކާތެރި ކުށްވެރިޔަކު ޖަލުން ދޫކޮށްލި މައްސަލާގައި ސުވާލު ކުރުމަށް ފުލުސް އޮފީހަށް ހާޒިރުވާން އަންގާފައިވަނީ ކޮށެވެ.
މީހަކު މަރާލުމަށް ރާވެމުގައި އަޓެމްބެޔެވް މަސައްކަތް ކުރެއްވި މައްސަލައެއް ވެސް ތަހުގީގު ކުރަން ހަމަޖެހިފައިވާ ކަމަށް އިންވެސްޓިގޭޝަން ޑިޕާޓްމެންޓުން ވަނީ ބުނެފަ އެވެ.
2011 ވަނަ އަހަރުން ފެށިގެން 2017 ވަނަ އަހަރު ވެރިކަން ކުރެއްވި އެޓަމްބަޔެވް މައްޗަށް ހިޔާނާތުގެ ތުހުމަތު ތަކެއް ވަނީ ކުރެވިފަ އެވެ.
