ހޯމަ 16 ޑިސެންބަރު 2019
07 މުލަ
1441 ރަބީޢުލްއާޚިރު 19
ފަތިސް 04:46
އިރުއަރާ 06:03
މެންދުރު 12:05
އަސްރު 15:26
މަޣްރިބް 18:00
އިޝާ 19:17
ދުނިޔެ - އަޓަމްބެޔެވް

ކިރިގިސްތާންގެ ކުރީގެ ރައީސް ހައްޔަރުކޮށްފި

  • ހައްޔަރުކުރުމުގެ ތެރޭގައި އެއް އޮފިސަރަކު ވަނީ މަރުވެފައި

ލީވާން އަލީ
MrLeevaan

ކ. މާލެ 9 އޯގަސްޓު 2019 | ހުކުރު 10:53 3,866

ކިރިގިސްތާންގެ ކުރީގެ ރައީސް އަޓަމްބެޔެވް - ރޮއިޓަރސް

ކިރިގިސްތާންގެ ކުރީގެ ރައީސް އަލްމަޒްބެކް އަޓަމްބެޔެވް ހައްޔަރު ކޮށްފިއެވެ.

އަޓަމްބެޔެވް ހައްޔަރުކޮށްފައިވަނީ އޭނާ ދިރިއުޅުއްވަމުން އަންނަ ގެ ރެއިޑް ކުރުމަށްފަހުއެވެ. އަދި އަޓަމްބެޔެވް ހައްޔަރުކުރުމަށް ފަހު ސަލާމަތީ ބާރުތަކުން ވަނީ އެމަނިކުފާނު ކިރިގިސްތާންގެ ވެރި ރަށް ބިޝްކެކްއަށް ގެންގޮސްފައެވެ.

މިކަމާ ގުޅިގެން ކިރިގިސްތާންގެ މިހާރުގެ ރައީސް ސޫރޮންބައި ޖީންބެކޮވް ވިދާޅުވީ، އަޓަމްބެޔެވް ހައްޔަރުކުރީ ތަހުގީގު ކުރަމުން އަންނަ މައްސަލައަކާ ގުޅިގެން ސުވާލުކުރުމަށް ކަމަށެވެ.

އަޓަމްބެޔެވްގެ ގެ ބުދަ ދުވަހުގެ ރޭ ރެއިޑް ކޮށްފައިވާއިރު، އަޓަމްބެޔެވްގެ ސަޕޯޓަރުން ވަނީ އެމަނިކުފާނު ހައްޔަރުކުރުމަށް ހުރަސް އަޅައި ދިފާއުގައި މަސައްކަތްތަކެއް ކޮށްފައެވެ. ނަމަވެސް އެ މަސައްކަތްތައް ވަނީ ނާކާމިޔާބުވެފައެވެ.

އަޓަމްބެޔެވް ހައްޔަރުކުރުމުގެ ތެރޭގައި ސަލާމަތީ ބާރުތަކުގެ އެއް އޮފިސަރަކު މަރުވެފައިވާއިރު، 80 މީހުން ވަނީ ޒަހަމްވެފައެވެ. އަދި ހޮސްޕިޓަލުގައި 53 މީހުންނަށް އަންނަނީ ފަރުވާ ދެމުންނެވެ.

މީގެއިތުރުން ކިރިގިސްތާންގެ މީޑިއާތަކުން ބުނާގޮތުން އެގައުމުގެ އެތައް ސަތޭކަ ސަޕޯޓަރުން ވަނީ މަގުތަކަށް ނިކުމެ، އަޓަމްބެޔެވްގެ ދިފާއުގައި މުޒާހަރާތައް ފަށައިފައެވެ.

އެންމެ ފަހުން އަޕްޑޭޓް ކުރީ: 4 މަސް ކުރިން | ރިވިއު ކުރީ: ހުޝާމް މުހަޢްމަދް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

ކޮމެންޓް