ރާއްޖެ
ރީކޯ މޫސާ މަނިކު
ރީކޯގެ ދަރިކަނބަލުންނަށް ޔޫއޭއީ އެމްބަސީން ވަޒީފާއެއް
މަގާމަށް އައްޔަން ކޮށްފައިވަނީ ދާދި ފަހުން
އަލީ ސަމާޚް, ރާއްޖެ އެމްވީ | 5 އޯގަސްޓު 2019 | ހޯމަ 08:16
ރައީސުލްޖްުމްހޫރިއްޔާގެ އޮފީސް
ރައްޔިތުން މަޖިލީހުގެ ކުރީގެ ނައިބް ރައީސް މޫސާ މަނިކު (ރީކޯ) ގެ ދަރިކަނބަލުން ބުޝައިނަތު މޫސާއަށް އެކުވެރި އަރަބި އިމާރަތް (ޔޫއޭއީ) ގައި ހުންނަ ރާއްޖެ އެމްބަސީން ސިޔާސީ މަގާމެއް ހަމަޖައްސައިދީފި އެވެ.
ރާއްޖެ.އެމްވީއަށް މައުލޫމާތު ލިބިފައިވާ ގޮތުން ބުޝައިނަތް ހަމަޖައްސާފައިވަނީ އެމްބަސީގެ ސެކަންޑް ސެކެރެޓަރީގެ މަގާމަށެވެ.
މައުލޫމާތު ލިބިފައިވާގޮތުން އޭނާ އެ މަގާމަށް އައްޔަން ކޮށްފައިވަނީ ދާދީ ފަހުންނެވެ. އެހެން ނަމަވެސް ވަޒީފާ އަށް ނިކުމެވަޑައިގަތް ކަމެއް އެނގިފައެެއްނުވެ އެވެ.
ބުޝައިނަތް އަކީ ރީކޯގެ މަސްލަހަތު އޮންނަ ހެވީލޯޑް މޯލްޑިވްސް ޕްރައިވެޓް ލިމިޓެޑް ކުންފުނީގެ ޑިރެކްޓަރެވެ.
ސިޔާސީ މަގާމުތަކަށް ބޭފުޅުން އައްޔަންކުރައްވަނީ ރައީސުލްޖުމްހޫރިއްޔާ އެވެ.
