މީހަކު ރަހީނުކޮށް އަނިޔާ ކުރި ކުށުގައި ދެ މީހަކު ހައްޔަރު ކޮށްފި
4 އޯގަސްޓު 2019 | އާދީއްތަ 12:47ރަހީނުކޮށްފައިހުރި ދުވަސްވަރު އެމީހާއަށް އަނިޔާ ކޮށްފައިވޭ
ޝަރޫނާ އަބްދުﷲ | 4 އޯގަސްޓު 2019 | އާދީއްތަ 12:47
ފުލުހުން ބަންދުކޮށްފައިވާ ސަރަހައްދެއް
މީހަކު ރަހީނުކޮށްގެން ގެންގުޅޭ ކަމަށް ތުހުމަތު ކުރެވޭ މައްސަލައެއްގައި ދެ މީހަކު ހައްޔަރު ކޮށްފައިވާ ކަމަށް ފުލުހުން ބުނެފިއެވެ.
ފުލުހުން ބުނީ ރަހީނުކޮށްގެން ގެންގުޅުނު މީހާ ރަހީނުކޮށްފައިހުރި ދުވަސްވަރު އެމީހާއަށް އެކި ގޮތްގޮތުން އަނިޔާ ކޮށްފައިވާ ކަމަށާއި އެމީހާ ރަހީނުކޮށްގެން ގެންގުޅުނީ ދެ ފިރިހެނުން ކަމަށެވެ.
މި މައްސަލައިގައި ހޮނިހިރު ދުވަހު ހެނދުނު ހައްޔަރު ކޮށްފައިވާ 19 އަހަރާއި 22 އަހަރުގެ ދެމީހުންނަކީ ދިވެހި ބައެއް ކަމަށްވެސް ފުލުހުން މައުލޫމާތު ދީފައިވެއެވެ. އަދި މި މީހުން ހައްޔަރު ކޮށްފައިވަނީ މާލެއިންނެވެ.
މިކަމާއިބެހޭ އިތުރު ތަފްސީލު އަދި ދެވެން ނެތް ކަމަށް ފުލުހުން ބުނެފައިވެއެވެ.
