ރައީސުލްޖުމްހޫރިއްޔާ އިބްރާހީމް މުއްމަދު ސޯލިހު، މާޅޮސްމަޑުލު ދެކުނުބުރީގެ ބައެއް ރަށްރަށަށް ކުރައްވާ ދަތުރުފުޅެއްގައި އަންގާރަ ދުވަހު ބ. ފެހެންދޫއަށް ވަޑައިގެންފިއެވެ.

އެ ދަތުރުފުޅުގައި ހެލްތް މިނިސްޓަރު އަބްދުﷲ އަމީންގެ އިތުރުން ރައްޔިތުންގެ މަޖިލީހުގެ ތުޅާދޫ ދާއިރާގެ މެމްބަރު ހިސާން ހުސައިން ވެސް ބައިވެރިވެވަޑައިގަންނަވަ އެވެ.

ރައީސް ފެހެންދޫ އަށް ވަޑައިގެންނެވުމުން އެރަށުން ވަނީ އެމަނިކުފާނަށް ހޫނު މަރުހަބާއެއް ދަންނަވާފައެވެ. ރައީސް ސޯލިހު ވަނީ މެންދުރު އެރަށުގެ ކައުންސިލްގެ ބޭފުޅުންނާއި ބައްދަލު ކުރައްވާ ރަށުގެ ހާލަތު އޮޅުވިލުއްވާފައެވެ.

ރައީސް ސޯލިހުގެ ދަތުރުފުޅުގައި ބ. އަތޮޅުގެ ސިއްހީ ހިދުމަތަށް 50 އަހަރު ފުރުން ފާހަގަ ކުރުމަށް ބާއްވާ ޖަލްސާ ޝަރަފުވެރި ކޮށްދެއްވައި އެޖަލްސާގައި ވާހަކަފުޅު ދެއްކެވުމަށް ވަނީ ހަމަޖެހިފައެވެ.

ފެހެންދޫގެ އިތުރުން ފުޅަދޫ، އޭދަފުށި، ކިހާދޫ އަދި ދޮންފަނަށް ރައީސް ސޯލިހު ޒިޔާރަތް ކުރައްވާނެއެވެ.

ބ. އަތޮޅަކީ ރައީސް ސޯލިހު އަށް ތާއީދު ބޮޑު އަތޮޅެކެވެ. ނިމިގެން ދިޔަ ރިޔާސީ އިންތިހާބުގައި އެމަނިކުފާނުވަނީ ބ. އަތޮޅުން ބޮޑު ޢައުލިބއްޔަތެއް ހޯދާފައެވެ. އެ އިންތިހާބުގެ އެ އަތޮޅުން ރައީސް ކުރި ހޯއްދެވީ 58 އިންސައްތައިންނެވެ.