އައިއޯއައިޖީ 2019: ޓީޓީގެ ސިންގަލްސް އިވެންޓްގެ ސެމީ ފައިނަލަށް ރާއްޖޭގެ ރަފާ އަދި ދީމާ ދަތުރުކޮށްފި
27 ޖުލައި 2019 | ހޮނިހިރު 09:48ރަފާ އަދި ދީމާ ސެމީ ފައިނަލަށް ދަތުރުކުރީ މޮރިޝަސް އަދި ރިޔޫނިއަން ކުޅުންތެރިން ބަލި ކުރުމަށްފަހު
ދީމާ
މޮރިޝަސްގައި މިހާރު ކުރިޔަށްދާ އިންޑިއަން އޯޝަން އައިލޭންޑް ގޭމްސްގެ ޓޭބަލް ޓެނިސް އަންހެން ސިންގަލް އިވެންޓްގެ ސެމީ ފައިނަލަށް ރާއްޖޭގެ ރަފާ އަދި ދީމާ ދަތުރުކޮށްފިއެވެ.
ރަފާ ސެމީ ފައިނަލަށް ދަތުރުކުރީ ކުއާޓާ ފައިނަލުގައި ރިޔޫނިއަންގެ ޕިކާރޑް ބަލިކޮށްގެންނެވެ.
މެޗުގެ ފުރަތަމަ ސެޓު ރަފާ ވަނީ ވާދަވެރި ކުޅުމަކަށް ފަހު ކާމިޔާބު ކޮށްފައެވެ. މި ސެޓު ރަފާ ކާމިޔާބުކުރީ 11-8 އިންނެވެ. މެޗުގެ ދެވަނަ ސެޓު ވެގެންދިޔައީ މިމެޗުގައި ފެނިގެންދިޔަ އެންމެ ވާދަވެރި ކުޅުން ފެނިގެންދިޔަ ސެޓަށެވެ. މި ސެޓު ރަފާ ކާމިޔާބުކުރީ 12-10 އިންނެވެ. މެޗުގެ ތިންވަނަ އަދި ހަތަރުވަނަ ސެޓު ރަފާ ވަނީ ފަސޭހަ ކަމާއެކު ކާމިޔާބު ކޮށްފައެވެ. އެގޮތުން އެ ދެސެޓު ރަފާ ކާމިޔާބުކުރީ 11-4 އިންނެވެ.
ރާއްޖޭގެ ދީމާ ސެމީ ފައިނަލަށް ދަތުރު ކުރީ 4-2 ކުން މޮރިޝަސްގެ ކުޅުންތެރިޔާ ބަލި ކޮށްގެންނެވެ. ކުއާޓާ ފައިނަލުގައި ރާއްޖޭގެ ޖުމާނާ ކުޅުނު މެޗުން ޖުމާނާ ވަނީ ބަލިވެފައެވެ. މިމެޗުން ޖުމާނާ ބަލިވީ މޮރިޝަސްގެ ކުޅުންތެރިޔާ އަތުން 4-2 ކުންނެވެ.
މި މުބާރާތުގެ އަންހެން ޓީމު އިވެންޓް އަދި އަންހެން ޑަބަލްސް އިވެންޓްއިން ރާއްޖޭގެ ކުޅުންތެރިންވަނީ ރަން މެޑަލް ކާމިޔާބު ކޮށްފައެވެ.
