މޫސުން އެޕްލިކޭޝަން ތައާރަފް ކޮށްފި
25 ޖުލައި 2019 | ބުރާސްފަތި 13:02މި އެޕް ފޯނުތަކަށް ލިބޭނީ ހުކުރު ދުވަހުން ފެށިގެން
މޫސުން އެޕް ތާރަފް ކުރުމަށް ބޭއްވި ރަސްމިއްޔާތު
މޫސުމާ ބެހޭ ގައުމީ އިދާރާއިން "މުސުން" އެޕްލިކޭޝަން ލޯންޗުކޮށްފި އެވެ.
އެންވާރަމަންޓް މިނިސްޓްރީގައި ބޭއްވި ރަސްމިއްޔާތުގައި އިޓަލީ ސަރުކާރުގެ ހިލޭ އެހީގައި ރާއްޖޭގެ މޫސުން ލަފާ ކުރާގޮތް ބުނެދޭ އެޕްލިކޭޝަން ތައާރަފްކުރެއްވީ އެންވާރަމަންޓް މިނިސްޓަރު ޑރ. ހުސައިން ރަޝީދު ހަސަންއެވެ.
އެޕްލިކޭޝަން ތާރަފްކުރެއްވުމަށްފަހު ހުސައިން ރަޝީދު ވިދާޅުވީ މި އެޕްލިކޭޝަނަކީ މޫސުމީ ބަދަލުތަކުން ރާއްޖެއަށް ދިމާވާ ގެއްލުންތަައް ކުޑަކުރުމާއި އާއްމު ރައްކާތެރިކަމަށް ބޭނުންކުރެވޭނެ އެޕްލިކޭޝަނެއް ކަމަށެވެ. އެއްރަށުން އަަނެއް ރަށަށް ދަތުރު ކުރުމާއި ތަންތަނަށް ދިއުމުގައި މޫސުމަށް ބަރޯސާވާއިރު މި އެޕްލިކޭޝަން މުހިއްމު ކަމަށް އޭނާ ވިދާޅުވިއެވެ.
މި އެޕްލިކޭޝަން މެދުވެރިކޮށް މެޓް އޮފީހުން ދޭ މައުލޫމާތާއި ކުރިއަށް އޮތް ފަސް އަހަރު ދުވަހުގެ މޫސުން ލަފާކުރާގޮތާއި މޫސުމީ ޑޭޓާ ވެސް ފެންނާނެ ކަމަށް މެޓް އޮފީހުން ބުނެއެވެ. މި މައުލޫމާތުތައް އެންޑްރޮއިޑާއި އައި.އޯ.އެސް ފޯނުތަކަށް ލިބޭނެ ކަމަށް ވެސް އެ އޮފީހުން ވަނީ ބުނެފައެވެ.
މި އެޕް ފޯނުތަކަށް ލިބޭނީ ހުކުރު ދުވަހުން ފެށިގެންނެވެ.
