ކުށްވެރިންނާ ކުރިމަތިލާއިރު އަޚުލާޤީ މިންގަނޑު ހިފެހެއްޓުމަށް ފުލުހުންނަށް އިލްތިމާސްކުރަން: ހޯމް މިނިސްޓަރ
23 ޖުލައި 2019 | އަންގާރަ 07:59ފުލުހުންގެ މުއައްސަސާއަށް އަބަދުވެސް ގޮންޖެހުންތަކާ ދަތިތައް ކުރިމަތިވޭ
ހޯމް މިނިސްޓަރ ޝެއިޙް އިމްރާން އަބްދުﷲ
ޤާނޫނާ ޚިލާފުވާ ކުށްވެރިންނާ ކުރިމަތިލާއިރު އަހުލާޤީ މިންގަނޑު ހިފެހެއްޓުމަށް މިނިސްޓަރ އޮފް ހޯމް އެފެއާޒް ޝެއިޙް އިމްރާން އަބްދުﷲ ވިދާޅުވެއްޖެއެވެ.
ފުލުހުންގެ މެމޯރިއަލް ޑޭ ފާހަގަކުރުމަށް އަންގާރަ ދުވަހު ބޭއްވި ރަސްމިއްޔާތެއްގައި ވާހަކަފުޅު ދައްކަވަމުން މިނިސްޓަރ އިމްރާން ވިދާޅުވީ، ފުލުހުންގެ މުއައްސަސާއަށް އަބަދުވެސް ގޮންޖެހުންތަކާ ދަތިތައް ކުރިމަތިވާ ކަމަށާއި، ފުލުހުންގެ މަސްއޫލިއްޔަތަކީ އެންމެންގެ ރުހުމާއި ލޯބި ލިބޭނެ ކަމެއް ނޫން ކަމަށެވެ. އަދި ފުލުހުންގެ ޒިންމާއާއި މަސްއޫލިއްޔަތު އަދާކުރުމުގައި ގިނަ ފަހަރު ކުރިމަތިލާންޖެހެނީ ޤާނޫނާއި ޤަވާއިދުން ބޭރުވެފައިވާ ފަރާތްތަކާ ކަމަށާއި، އެފަދަ ފަރާތްތަކާ ކުރިމަތިލާއިރު ޤާނޫނާއި އަޚުލާޤިއްޔަތުގެ ހަމައިގެ ތެރޭގައި ތިބުމަށް އިލްތިމާސްކުރައްވާ ކަމަށެވެ.
އަދި އެގޮތުގައި ދެމިތިބޭއިރު ކުރިމަތިވާ ކޮންމެ ދެރައަކާއި ހިތާމައެއްގައިވެސް ފުލުހުންގެ އާއިލާ އެކަތިގަނޑެއްގެ ގޮތުގައި އޮވެ އެކަމެއްގައި ހުރިހާ ފުލުހުންވެސް ބައިވެރިވާނެ ކަމަށް މިނިސްޓަރ ވިދާޅުވިއެވެ.
މި ރަސްމިއްޔާތުގައި ޕޮލިސް ކޮމިޝަނަރ މުހައްމަދު ހަމީދުވެސް ވާހަކަ ދައްކަވާފައިވާއިރު، ހަމީދުގެ ވާހަކައިގައި ވަނީ ފުލުހުންގެ މުއައްސަސާއަށް ހުރި އެކި ގޮންޖެހުންތަކަށް އަލިއަޅުވާލާފައެވެ. އެގޮތުން މިއަދުވެސް ފުލުހުންނަށް އެކި ނުރައްކާތައް އޮތް ކަމަށް ހަމީދު ވިދާޅުވިއެވެ.
