ދިވެހިރާއްޖޭގެ ބާ ކައުންސިލަށް ލިޔުއްވާ ސިޓީގައި ދައުލަތުން ޖައްސަވާނެ ނަންބަރަކީ 480
17 ޖުލައި 2019 | ބުދަ 12:42ބާ ކައުންސިލް ރައީސުލްޖުމްހޫރިއްޔާ އުފައްދަވާފައިވަނީ ޖޫން މަހުގެ 27 ވަނަ ދުވަހު
ރައީސުލްޖުމްހޫރިއްޔާ ބާ ކައުންސިލުގެ މެންބަރުންނާ ބައްދަލުކުރެއްވުން
ދައުލަތުގެ އިދާރާތަކުން ދިވެހިރާއްޖޭގެ ބާ ކައުންސިލަށް ލިޔުއްވާ ސިޓީގައި ޖައްސަވާނެ ނަންބަރަކީ 480 ކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ސާލިހް ނިންމަވައިފިއެވެ.
ދިވެހިރާއްޖޭގެ ގާނޫނީ ފަންނުގެ ގާނޫނުގެ 3 ވަނަ މާއްދާގެ (ހ) ގެ ދަށުން ދިވެހިރާއްޖޭގެ ބާ ކައުންސިލް ރައީސުލްޖުމްހޫރިއްޔާ އުފައްދަވާފައިވަނީ ޖޫން މަހުގެ 27 ވަނަ ދުވަހުއެވެ. މި ކައުންސިލަސް އަށް ބޭފުޅުން ވަނީ އިންތިހާބުވެ ވަޑައިގެންފައެވެ.
ޖުލައި 13 ވަނަ ދުވަހު ބޭއްވުނު ބާ ކައުންސިލްގެ އިންތިހާބުން، ކައުންސިލްގެ ރައީސަކަށް އިންތިހާބުވެވަޑައިގެންފައިވަނީ މަޝަހޫރު ގާނޫނީ ވަކީލު މައުމޫނު ހަމީދު އެވެ. އަދި ނައިބު ރައީސަކަށް އިންތިހާބުވެވަޑައިގެންފާ ވަނީ ކުރީގެ އެޓަރނީ ޖެނެރަލް އަބްދުﷲ މުއިއްޒުއެވެ. ބާ ކައުންސިލްގެ އެގްޒެކެޓިވް ކޮމިޓީއަށް އިންތިހާބު ވެވަޑައިގެންފާ ވަނީ އަލްއުސްތާޒް އަހްމަދު މުއިއްޒު، އަލްއުސްތާޒާ އަނާރާ ނައީމް، އަލްއުސްތާޒާ އާއިޝާ ސުޖޫން މުހައްމަދު، އަލްއުސްތާޒް އަނަސް އަބްދުއްސައްތާރް، އަލްއުސްތާޒް މުހައްމަދު ފައިސަލް އަދި އަލްއުސްތާޒް މުހައްމަދު އަސީލް ހަސަން އެވެ.
ރައީސުލްޖުމްހޫރިއްޔާ ވަނީ ދިވެހިރާއްޖޭގެ ގާނޫނީ ދާއިރާގެ ކުރިއެރުމަށް ބާ ކައުންސިލުން މަސައްކަތް ކުރައްވާނެ ކަމުގެ ފުރިހަމަ ޔަގީންކަން އެބައޮތް ކަމަށް ވިދާޅުވެފައެވެ.
