ހޮނިހިރު 17 އޯގަސްޓު 2019
07 މާ
1440 ޒުލްޙައްޖު 15
ފަތިސް 04:48
އިރުއަރާ 06:01
މެންދުރު 12:14
އަސްރު 15:28
މަޣްރިބް 18:19
އިޝާ 19:33
ކުޅިވަރު - އައިއޯއަައިޖީ 2019

އައިއޯއައިޖީ 2019: ފަނަރަ މެޑަލްއަށް ޓާގެޓްކޮށް، ރާއްޖޭގެ ޓީމު މޮރިޝަސް އަށް ފުރައިފި

  • އަމާޒަކީ 15 މެޑަލް
  • ރާއްޖެއިން މިއަހަރު 10 ކުޅިވަރުގައި ބައިވެރިވޭ
  • މިއީ އައިއޯއައިޖީގައި ރާއްޖެއިން ބައިވެރިވާ 10 ވަނަ ފަހަރު

އަތޫފް އާތިފް
AthifAthoof

ކ. މާލެ 17 ޖުލައި 2019 | ބުދަ 09:02 1,588

ރާއްޖޭގެ ކޮންޓިޖެންޓް - ޝުއައިބް މުހައްމަދު އިގްބާލް

އިންޑިއަން އޯޝަން އައިލޭންޑް ގޭމްސް ( އައިއޯއައިޖީ ) ގައި ވާދަކުރާ ރާއްޖޭގެ ކޮންޓިޖެންޓް މޮރިޝަސްއަށް ފުރައިފިއެވެ.

ބުދަ ދުވަހުގެ ހެނދުނު ރާއްޖޭގެ ކޮންޓިޖެންޓް މޮރިޝަސް އަށް ފުރިއިރު، ރާއްޖޭގެ ޓީމުތަކުގެ މިއަހަރުގެ އަމާޒަކީ 15 މެޑައްޔެވެ.

މިއަހަރު އައިއޯއައިޖީގައި ރާއްޖެއިން 10 ކުޅިވަރުގައި ބައިވެރިވާނެއެވެ. އެ ކުޅިވަރުތަކަކީ ފުޓުބޯޅަ، ބާސްކެޓް ބޯޅަ، ވޮލީބޯޅަ، ޓޭބަލް ޓެނިސް، އެތްލެޓިކްސް، ކައިޓް ސާފިންގް، ބެޑްމިންޓަން، ސެއިލިންގް، ސްވިމިންގް އަދި ޔޫތް ކޭމްޕެވެ.

ދިވެހިރާއްޖެއިން އަންނަނީ އިންޑިއަން އޯޝަން އައިލޭންޑް ގޭމްސްގައި ފެށުނީއްސުރެ ބައިވެރިވަމުންނެވެ. އެގޮތުން މި މުބާރާތް ބޭއްވުނު ނުވަ އަހަރު ރާއްޖެއިން ވަނީ މުބާރާތުގައި ބައިވެރިވެފައެވެ. ރާއްޖެއިން މިހާތަނަށް 1 ރަން މެޑަލް ހޯދައިފައި ވާއިރު 7 ރިހި މެޑަލް ކާމިޔާބު ކޮށްފައިވެއެވެ. އަދި 14 ލޯ މެޑަލް ރާއްޖޭގެ އެތްލީޓުން ވަނީ ކާމިޔާބު ކޮށްފައެވެ. މިއީ ރާއްޖެއިން އައިއޯއައިޖީގައި ވާދަކުރާ 10 ވަނަ ފަހަރެވެ.

ރާއްޖެ އިން ހޯދި ހަމައެކަނި ރަން މެޑަލް ހޯދައިދީފައި ވަނީ ދުވުންތެރިޔާ ހަސަން ސާއިދެވެ. އޭނާ މި މެޑަލް ކާމިޔާބުކުރީ 100 މީޓަރު ދުވުން ކާމިޔާބު ކޮށްގެންނެވެ. މިއީ ރާއްޖޭގެ އެތްލީޓަކު މަލްޓި ސްޕޯޓްސް ގޭމްސް އަކުން ރަން މެޑަލް ހޯދި ފުރަތަމަ ފަހަރެވެ.

ރާއްޖެއިން ވަނީ 2023 ވަނަ އަހަރު އޮންނަ އިންޑިއަން އޯޝަން އައިލޭންޑް ގޭމްސް ރާއްޖޭގައި ބޭއްވުމަށް ބިޑް ކޮށްފައެވެ.

އެންމެ ފަހުން އަޕްޑޭޓް ކުރީ: 4 ހަފްތާކުރިން | ރިވިއު ކުރީ: ހުޝާމް މުހަޢްމަދް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް