ޒާހިރު ނަސީރު މެމޯރިއަލް ކަޕް 2019: މުބާރާތުގައި ބައިވެރިވުމަށް ހުޅުވާލައިފި
މުބާރާތް ފެށުމަށް ހަމަޖެހިފައި ވަނީ މި މަހު 15 ގައި
މީގެ ކުރިން ބޭއްވި ޒާހިރު ނަސީރު މެމޯރިއަލް ކަޕްގެ ތެރެއިން
ވޮލީބޯލް އެސޯސިއޭޝަން އޮފް މޯލްޑިވްސް އިން އިންތިޒާމުކޮށްގެން ބާއްވާ ޒާހިރު ނަސީރު މެމޯރިއަލް ކަޕް 2019 ގައި ބައިވެރިވުމަށް ހުޅުވާލައިފިއެވެ.
މާލޭ ބީޗް ވޮލީބޯލް ކޯޓުގައި ބާއްވާ މި މުބާރާތުގައި ބައިވެރިވުމަށް ހުޅުވާލާފައިވާއިރު، ބައިވެރިވުމުގެ ފުރުސަތު ހަމަވާނީ މި މަހުގެ 12 ވަނަ ދުވަހުގެ 13:00 އަށެވެ.
ވޮލީބޯލް އެސޯސިއޭޝަނުން ބުނީ މުބާރާތުގައި ބައިވެރިވުމުގެ ފޯމާއި ޓީމާއި، ލިސްޓް ހުށަހަޅާ ފޯމް އަދި މުބާރާތުގެ ގަވައިދު ލިބެން ހުންނާނީ ހ.ބޯޅަގެ ތިންވަނަ ފަންގިފިލާގައި ހުންނަ ވީއޭއެމްގެ އޮފީހަށް ކަމަށެވެ.
އަންހެން އަދި ފިރިހެން ޑިވިޝަން ވެސް އޮންނަ މި މުބާރާތް ކުރިޔަށް ގެންދިޔުމަށް ހަމަޖެހިފައި ވަނީ މި މަހު 15 އިން 24 ގެ ނިޔަލަށެވެ.
މި މުބާރާތް ވަނީ 2017 ވަނަ އަހަރު ވެސް ބާއްވާފައެވެ. އެފަހަރު މި މުބާރާތުގެ އަންހެން ޑިވިޝަންގެ ޗެމްޕިއަންކަން ހޯދީ ބ. ގޮއިދޫއެވެ. އަދި ފިރިހެން ޑިވިޝަންގެ ޗެމްޕިއަންކަން ހޯދީ ޕޮލިސްއެވެ.
