އެމްޓީސީސީގެ "ސާބަސް ޔަންމާ" ޕްރޮމޯޝަން ފަށައިފި

އެމްޓީސީސީގެ ސާބަސް ޔަންމާ ޕްރޮމޯޝަން ފަށައިފިއެވެ.

މި ޕްރޮމޯޝަން ފަށާފައިވަނީ ޖުލައި މަހުގެ 15 ވަނަ ދުވަހުން ފެށިގެން އޮގަސްޓް މަހުގެ 31 ވަނަ ދުވަހާއި ހަމައަށެވެ.

މި ޕްރޮމޯޝަންގެ ދަށުން 78 ހޯސްޕަވަރުން ފެށިގެން 829 ހޯސްޕަވަރުގެ ޔަންމާ އިންޖީނު ގަތުމުން އެއްލައްކަ ރުފިޔާ އާއި ތިން ލައްކަ ރުފިޔާ އާއި ދެމެދުގެ އަދަދުގެ ސަމާނު ހިލޭ ލިބޭނެ ކަމަށް އެމްޓީސީސީން ބުނެއެވެ. އަދި ޕްރޮމޯޝަނުގައި ބައިވެރިވުމަށް 10 އިންސައްތައިގެ ބުކިން ފީއެއް 31 އޮގަސްޓުގެ ކުރިން ދައްކަންޖެހޭނެ ކަމަށާއި 31 ޑިސެމްބަރުގެ ކުރިން ހުރިހާ ޕޭމެންޓެއް ދައްކާ ނިންމަން ޖެހޭނެ ކަމަށް އެ ކުންފުނިން ބުނެއެވެ.

ޕްރޮމޯޝަންގެ ދަށުން ހިލޭ ލިބޭ ތަކެތީގެ ތެރޭގައި، ކާސްޓްރޯލް ލުބްއޮއިލް، ހުންގާނު ސިސްޓަމް އަދި ޖީޕީއެސްގެ އިތުރުން ފިޝްފައިންޑަ ހިމެނެއެވެ.

އެމްޓީސީގެ އަމާޒަކީ އަބަދުވެސް ކަސްޓަމަރުންނަށް ލުއި ފަސޭހަ ގޮތްތައް ހޯދައިދިނުން ކަމަށް އެ ކުންފުނިން ބުންޏެވެ.

އެމްޓީސީސީއަކީ ޔަންމާ އިންޖީނު އަދި ސުޒުކީ އައުޓްބޯޑް އިންޖީނުގެ އިތުރުން ކާސްޓްރޯލް އަޑީތެލާ، ސިގްމާ އެންޓިފައުލިން ސިސްޓަމް އަދި ސްކޮޓް ބާޑާރ ބްރޭންޑްގެ ފައިބަރުކުރަން ބޭނުންކުރާ ސާމާނުގެ ރާއްޖޭގެ އޮތޮރައިޒްޑް ޑިސްޓްރިބިއުޓަރެވެ.