ކެލިފޯނިއާގެ ދެކުނުގެ ސަރަހަށްދަށް 7.1 މެގްނިޓިއުޑްގެ ބިންހެލުމެއް އަތުވެއްޖެ
އެއްވެސް މީހަކަށް ހާނީއްކައެއްވެފައިވާކަމަށް އަދި ރިޕޯޓްކޮށްފައެއް ނުވޭ
މިއީ 20 އަހަރުގެ ތެރޭ އެ ސްޓޭޓަށްއައި އެންމެ ބާރުގަދަ ބިންހެލުން
ކެލިފޯނިއާގެ ދެކުނުގެ ސަރަހަށްދަށް 7.1 މެގްނިޓިއުޑްގެ ބިންހެލުމެއް އަތުވެއްޖެއެވެ.
ހުކުރު ދުވަހު އައި މި ބިންހެލުމަކީ ވޭތުވެދިޔަ 20 އަހަރުގެ ތެރޭ ސްޓޭޓަށް އައި އެންމެ ބާރުގަދަ ބިން ހެލުން ކަމަށް އޮފިޝަލުން ބުނެއެވެ.
ހުކުރު ދުވަހު އެ ސްޓޭޓްގެ ގަޑިން ރޭގަނޑު 8:19 (ޖީއެމްޓީ ހޮނިހިރު ދުވަހު 3:19)ގައި ކުޑަ ސޓީއެއް ކަމަށްވާ ރިޖްކްރެސްޓްއަށް އައި ބިންހެލުން އައިސްފައިވަނީ ބިމުގެ ވަރަށް ތިލައިން ކަމަށް އެމެރިކާގެ ސީސިމޮލޮޖިސްޓުން ބުނެފައިވެއެވެ.
މި ބިންހެލުން އައިސްފައިމިވަނީ އޭގެ ކުރީ ދުވަހު ހަމަ އެ ސަރަހައްދަށް 6.4 މެގްނިޓިއުޑްގެ ބިންހެލުމެއް އައިސްފައިވަނިކޮށެވެ.
އެމެރިކާގެ ޖިއޮލޮޖިކަލް ސަރވޭއިން ބުނިގޮތުއި ފަހުން އައި ބިންހެލުން ކުރިން އެރި ގުޑުންތަކަށްވުރެ 11 ގުނަ ބާރުގަދައެވެ.
ބިންހެލުން އައި ސަރަހައްދުން ފެށިގެން 240 ކިލޯ މީޓަރު ދުރަށް ބިންހެލުމުގެ އަސަރުކޮށްފައިވާއިރު ފަޔަރ ޑިޕާޓްމަންޓުންވަނީ އަލިފާން ނިންވާ އެއްގަމު އުޅަނދުފަހަރާއި ހެލިކޮޕްޓަރު ފޮނުވައިގެން ލިބިފައިވާ ގެއްލުންތައް ބަލައި އެހީ ބޭނުންވެފައިވާ މީހުން ތިބިތޯ ބަލަންފަށާފައެވެ.
