ފިލިޕީންސްއަށް 6.2 މެގްނިޓިއުޑްގެ ބިންހެލުމެއް އަތުވެއްޖެ

ފިލިޕީންސްގެ ވެރިރަށް މެނީލާގެ ދެކުނުން އޮންނަ ލިއަން ޓައުންގެ އައްސޭރި ފަށަށް 6.2 މެގްނިޓިއުޑްގެ ބިންހެލުމެއް ހުކުރު ދުުވަހު އަތުވެއްޖެއެވެ.

ބިންހެލުމުގެ ސަބަބުން މެނީލާ އާއި އަދި އެހިނިހެން ކައިރީގަައި ވާ ސަރަހައްދުތުގެ އިމާރާތްތަކަށް ލޮޅުންއެރި ކަަމަށް ރިޕޯޓުތައް ބުނެއެވެ.

ބިންހެލުން އައީ މެނީލާގެ ދެކުނުން އޮންނަ ލިއަން ޓައުންގެ އައްސޭރި ފަށުން 173 ކިލޯމީޓަރު އަޑިއަށެވެ. އެހެންކަމުން އެހާ ފުނަށް ބިންހެލުން އައި ނަމަވެސް މާބޮޑު ގެއްލުމެއް ނުލިބޭނެ ކަމަށް އޮފިޝަލުން ބުނެއެވެ.

ބިން ހެލުން އައި ސީދާ ސަރަހައްދުގެ ހިސާބުގެ ޓައުނަކުން ވެސް އަދި އެއްވެސް ބަޔަކު މަރުވި ކަމެއް ނުވަތަ ޒަޚަމްވި ކަމުގެ ރިޕޯޓެއް ލިބިފައެއް ނުވެއެވެ.

ފިލިޕީންސްއަކީ އާންމުކޮށް ބިންހެލުން އަންނަ ސަރަހައްދެއްގައިވާ ގައުމެކެވެ.

މިދިޔަ މަހު ފިލިޕީންސް އަށް 6.5 މެގްނިޓިއުޑްގަ އައި ބިންހެލުމެއްގައި ދެ މީހުން މަރުވެ ބޮޑެތި އުމްރާނީ ގެއްލުން ވެފައި ވެއެވެ.