ނިއުޒިލޭންޑަށް ބާރުގަދަ ބިންހެލުމެއް އައިސްފި
މި ބިންހެލުން އައިސްފައިވަނީ 6.1 މެގްނިޓިއުޑްގެ ބާރުމިނުގަ
އަހްމަދު ސާއިފް ޝިޔާދް | 20 ސެޕްޓެމްބަރު 2017 | ބުދަ 03:25
ބިންހެލުން އަައި ސަރަހައްދު
ނިއުޒިލޭންޑުގެ ދެކުނުގެ ސަރަހައްދުތަކަށް ބާރުގަދަ ބިންހެލުމެއް އައިސްފިއެވެ.
އެ ގައުމުގެ ދެކުނު ކަނޑުގެ ސަރަހައްދަށް ބިންހެލުން އައިސްފައިވަނީ 6.1 މެގްނިޓިއުޑްގެ ބާރުމިނުގައި ކަމަށް އެމެރިކާގެ ޖިއޮލޮޖިކަލް ސާވޭއިން ބުނެއެވެ. މި ބިންހެލުން އައިސްފައިވަނީ ސަބް އެންޓާޓިކް އޯކްލޭންޑް އައިލެންޑުގެ 211 ކިލޯމީޓަރު ބޭރުން، ކަނޑުގެ 10 ކިލޯމީޓަރު އަޑިއަށެވެ. މި ބިންހެލުމާއެކު އެއްވެސް ސަރަހައްދަކަށް ސުނާމީގެ އިންޒާރު ދީފައެއް ނުވެއެވެ.
މިފަހަރުގެ ބިންހެލުން އައިސްފައިވަނީ މެކްސިކޯއަށް 7.1 ގެ ބާރުގަދަ ބިންހެލުމެއް އައިސް ބޮޑެތި ގެއްލުންތަކެއް ވިތާ މާ ގިނައިރުތަކެއް ނުވަނީހެވެ.
