ސޯފީ އާއި ޖޯގެ ކައިވެނީގެ ފުރަތަމަ ފޮޓޯ ހިއްސާކޮށްފި

ގޭމް އޮފް ތްރޯންސްގެ ތަރި ސޯފީ ޓާރނާ އާއި އެމެރިކާގެ ލަވަކިޔުންތެރިޔާ ޖޯ ޖޯނަސްގެ ކައިވެނި މިދިޔަ ހޮނިހިރު ދުވަހު ދެވަނަ ފަހަރަށް ފްރާންސްގައި ވަނީ ކޮށްފައެވެ.

މި ކައިވެނީގެ ފޮޓޯ ސޯފީ ވަނީ އޭނާގެ އިންސްޓަގްރާމްގައި ހިއްސާ ކޮށްފައެވެ.

ސޯފީ ހިއްސާ ކޮށްފައިވާ ޖޯއާއި ސޯފީގެ ކައިވެނީގެ މި ފޮޓޯގެ ކެޕްޝަންގައި ސޯފީ ލިޔެފައިވަނީ " މިސްޓަރ އެންޑް މިސިޒް ޖޯނަސް" އެވެ.

މި ފޮޓޯއަށް ފުރަތަމަ ކޮމެންޓް ކޮށްފައިވަނީ ޖޯ ގެ ފަހަރި ޑެނިއަލް ޖޯނަސް އެވެ.

އޭނާގެ ކޮމެންޓްގައި ވަނީ " ސަޗް އަ ސްޓަނިން ބްރައިޑް"އެވެ.

މީގެ އިތުރުން އާޓިސްޓިކް ޑައިރެކްޓަރ ލޮއިސް ވުއިޓޮން އޭނާގެ އިންސްޓަގްރާމްގައި ހިއްސާކޮށްފައިވާ ފޮޓޯގައި ސޯފީ ފެނިގެންދަނީ މިރޯއެއްގެ ކުރިމަތީގައި ހުއްޓިލައިގެން ހުއްޓައެވެ.

އެ ފޮޓޯގައި ސޯފީ ފެނިގެންދަނީ ހުދު ކުލައިގެ ވެޑިން ގައުންއެއްގައެވެ. ސޯފީގެ ބްލޮންޑް އިސްތަށިގަނޑު ނިއުޅާލާފައި ހުރިއިރު އަޅާފައިވަނީ ވަނީ ކުރު ވެއިލް އެކެވެ.

ސޮފީ އާއި ޖޯ ފުރަތަމަ ކައިވެނި ކޮށްފައިވަނީ މިއަހަރުގެ މެއި މަހުގެ އެއްވަނަ ދުވަހު އިޓަލީގައެވެ.

މި ދެމީހުން އެންގޭޖް ކޮށްފައިވަނީ 2017 ވަނަ އަހަރުގެ އޮކްޓޯބަރު މަހުގައެވެ.