ކ. މާލެ
|
27 ޖޫން 2019 | ބުރާސްފަތި 09:41
ރ.އުނގޫފާރު
ރ.އުނގޫފާރު
ގޫގްލް މެޕްސް
އުނގޫފާރު
އުނގޫފާރު ކައުންސިލުން ރައްޔިތުންގެ ސިއްރު ވޯޓެއްނަގަނީ
 
ވޯޓުލުން އޮންނާނީ 6 ޖުލައި 2019، ހޮނިހިރު ދުވަހު

އުނގޫފާރު ރައްޔިތުންގެ ނަމުގައި އެރަށު ކައުންސިލުން ހިންގަމުންދާ އިންޖީނުގެ، ނަރުދަމާ، އަދި ކުނިކޮށި އުނގޫފާރު ރައްޔިތުންގެ ނަމުގައި ހިންގާނީތޯ ނުވަތަ ކުންފުންޏަކާއި ހަވާލުކުރާނީތޯ ބެލުމަށް އުނގޫފާރުގައި ރަށްވެހިވެފައިވާ ފަރާތްތަކުގެ މެދުގައި ސިއްރު ވޯޓެއް ނެގުމަށް އެ ކައުންސިލުން ނިންމައިފިއެވެ.

އުނގޫފާރު ކައުންސިލްގެ މިދައުރުގެ 88 ވަނަ އާއްމު ބައްދަލުވުމުން ނިންމާފައިވާ އެނިންމުމުމަށް ވޯޓުލުން އޮންނާނީ 6 ޖުލައި 2019، ހޮނިހިރު ދުވަހުގެ ހެނދުނު 8:00 ން މެންދުރު 14:00 އަށް އުނގޫފާރު ސުކޫލްގެ ރިހިމާލަމުގައި ކަމަށް އުނގޫފާރު ކައުންސިލްގެ މި އިއުލާނުގައި ވެއެވެ. އަދި ވޯޓްލުމުގައި ބައިވެރިވެވޭނީ 5 ޖުލައި 2019 އަށް 18 އަހަރު ފުރިފައިވާ އުނގޫފާރުގެ ރަށްވެހިންނަށެވެ.

މާލޭގައި ވޯޓްލުމަށް އެދި 50 މީހުންނަށް ވުރެ އިތުރަށް ރަޖިސްޓްރީވެފައި ވާނަމަ މާލޭގައި ވެސް ވޯޓުފޮއްޓެއް ބަހައްޓައިގެން ވޯޓްލުން ކުރިއަށް ދާނެ ކަމަށާއި އަދި އުނގޫފާރުގައި ބަހައްޓާނީ 2 ވޯޓުފޮށިކަމަށް ވެސް އެ އިއުލާނުގައި ވެއެވެ.

މާލޭގައި ބަހައްޓާ ވޯޓް ފޮއްޓަށް ވޯޓުލުމަށް ބޭނުންވާ ފަރާތްތަކުން، 5 ޖުލައި 2019 އަށް 18 އަހަރު ފުރިފައިވާ އުނގޫފާރު ރަށްވެހިން 30 ޖޫން 2019ވާ އާދިއްތަ ދުވަހުގެ 14:00 ކުރިން ރަޖިސްޓްރީވުގެ ފުރުސަތުވަނީ ހުޅުވާލެވިފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުޝާމް މުހަޢްމަދް
5%
76%
0%
12%
2%
5%
ކޮމެންޓް