ސެން ފްރެންސިސްކޯގައި އީ ސިނގިރެޓް މަނާކޮށްފި

އީ ސިނގިރޭޓުން ސިއްހަތަށް ކުރާ އަސަރު ސާފުވަންދެން އީ ސިނގިރޭޓް މަނާކުރާ އެމެރިކާގެ ފުރަތަމަ ސިޓީއަކަށް ސެން ފްރެންސިސްކޯ ވެއްޖެއެވެ.

އޮފިޝަލުން އަންގާރަ ދުވަހުވަނީ ފިހާރަތަކުގައި ވޭޕަރައިޒަރސް ވިއްކުން މަނާކޮށް އޮންލައިންކޮށް އޯޑަރ ކުރާ ފަރާތްތަކަށް ޑެލިވަރީ ކުރުން ވެސް މަނާކޮށްފައެވެ

ކެލިފޯނިއާ ސިޓީއަކީ އީ ސިނގިރޭޓް އުފައްދާ އެންމެ މަޝްހޫރު ކުންފުނި ޖުލް ލެބްސް ހުންނަ ސިޓީއެވެ.

ޖުލް އިން ބުނީ މި ފިޔަވަޅު ވެގެންދާނީ ސިނގިރޭޓް ބޯ މީހުން އަނބުރާ އެކަމުގެ ތެރެއަށް ވަދެ އަދި ކަޅުބާޒާރެއް އުފެދިގެންދާނެ ކަމެއް ކަމަށެވެ.

ސެން ފްރެންސިސްކޯގެ މޭޔަރ ލަންޑަން ބްރީޑަށް މި ބިލް ތަސްދީގު ކުރެއްވުމަށް 10 ދުވަަސް ލިބިވަޑައިގަންނަވާއިރު އެކަމަނާ ވަނީ ސޮއިކުރައްވާނެކަމުގެ އިޝާރާތް ކުރައްވާފައެވެ.

މި ގާނާނޫނަށް އަމަލުކުރަންފަށާނީ ތަސްދީގުކުރާ ތާރީޚުން ފެށިގެން ހަތްމަސް ފަހުންނެވެ. އީ ސިިގިރެޓް އުފައްދާ ފަރާތްތަކުން މި ބިލާ ދެކޮޅަށް ކޯޓަށް ހިނގައިދާނެކަމަށް ވެސް ވަނީ ބެލެވިފައެވެ.

މި ގާނޫނު ތަންފީޒުކުރަން ކުރިން ހަމަޖައްސާފައި އޮތީ 2018 ވަނަ އަހަރުގެ އޯގަސްޓް މަހު ނަމަވެސް އީ ސިގިރެޓް އުފައްދާ ފަރާތްތަކުން އެދިގެން ފަސްކުރީއެވެ.