ބުދަ 24 ޖުލައި 2019
10 ފުސް
1440 ޒުލްގައިދާ 21
ފަތިސް 04:45
އިރުއަރާ 06:01
މެންދުރު 12:16
އަސްރު 15:37
މަޣްރިބް 18:24
އިޝާ 19:40
ކުޅިވަރު - އަލްވޭސް ބާސާއަށް ބަދަލުވަނީ

ޑެނީ އަލްވޭސް ހޯދުމުގެ މަސައްކަތް ބާސާއިން ފަށައިފި

  • އަލްވޭސް ވަނީ ޕީއެސްޖީ ދޫކޮށްލާކަން އިއުލާންކޮށްފައި

ލީވާން އަލީ
MrLeevaan

ކ. މާލެ 25 ޖޫން 2019 | އަންގާރަ 19:44 11,902

ޑެނީ އަލްވޭސް - ގެޓީ އިމޭޖާސް

ޕީއެސްޖީއަށް ކުޅެމުން އައި ބްރެޒިލްގެ ކެޕްޓަން ޑެނީ އަލްވޭސް ހޯދުމަށް ބާސާއިން މަސައްކަތް ފަށައިފި ކަމަށް ރިޕޯޓްތައް ބުނެފިއެވެ.

ރިޕޯޓްތައް ބުނާގޮތުން ކުރިޔަށް އޮތް ސީޒަނަށް އަމާޒުކޮށް އަލްވޭސް ހޯދުމަށް ބާސާއިން އަންނަނީ މަސައްކަތް ކުރަމުންނެވެ. އެގޮތުން މިހާރު ބްރެޒިލްގައި ކޮޕަ އެމެރިކާ ކުޅެމުން އަންނަ އަލްވޭސް ބާސާއަށް ބަދަލުވުމާމެދު މުބާރާތަށް ފަހު ގޮތެއް ނިންމާނެ ކަމަށް ވެސް ރިޕޯޓްތައް ބުނެއެވެ.

ޕީއެސްޖީ ދޫކޮށްލާކަން އަލްވޭސް އިއުލާން ކޮށްފައިވާއިރު، އޭނާ ބަދަލުވާނެ ކްލަބެއް ހާމަކޮށްފައެއް ނުވެއެވެ. އޭނާ ހޯދުމަށް ބާސާގެ އިތުރުން ގިނަ ކްލަބްތަކުން އަންނަނީ މަސައްކަތް ކުރަމުންނެވެ.

ސެވިއްޔާ އިން 2008 ވަނަ އަހަރު ބާސާއަށް ބަދަލުވި މިހާރު އުމުރުން 36 އަހަރުގެ ޑެނީ އަލްވޭސް ވަނީ އެޓީމުގައި ހޭދަކުރި 8 ސީޒަނުގައި ކުޅުނު 391 މެޗުގައި 21 ލަނޑު ކާމިޔާބުކޮށްފަ އެވެ.

މީގެ އިތުރުން އޭނާ ވަނީ އެޓީމާއެކު ސްޕެނިޝް ލަލީގާ ހަ ފަހަރު، ހަތަރު ކޮޕާޑެލްރޭ، ތިން ސްޕެނިޝް ސުޕާކަޕް، ތިން ޔުއެފާ ޗެމްޕިއަންސް ލީގު، ތިން ޔުއެފާ ސުޕާ ކަޕް އަދި ތިން ފީފާ ކްލަބް ވޯލްޑްކަޕް ކާމިޔާބުކޮށްފަ އެވެ.

ބްރެޒިލް ގައުމީ ޓީމާއެކު ފީފާ ކޮންފެޑެރޭޝަންސް ކަޕް ދެފަހަރު ކާމިޔާބު ކޮށްފައިވާ އަލްވޭސް ޔުވަންޓަސް އަށް ބަދަލުވީ 2016 ވަނަ އަހަރެވެ. އެގޮތުން އޭނާ ވަނީ އެޓީމަށް ކުޅުނު 33 މެޗުގައި ހަ ލަނޑު ކާމިޔާބުކޮށްފަ އެވެ.

ޔުވަންޓަސް ދޫކޮށް 2017 އަހަރު އަލްވޭސް ބަދަލުވީ ޕީއެސްޖީ އަށެވެ. އޭނާ ވަނީ މިހާތަނަށް އެޓީމަށް ކުޅުނު 73 މެޗުގައި 8 ލަނޑު ކާމިޔާބު ކޮށްފަ އެވެ. އަދި އަލްވޭސް ވަނީ މިހާތަނަށް ޕީއެސްޖީއާއެކު ފްރެންޗް ލީގު، ފްރެންޗް ކަޕް އަދި ފްރެންޗް ސުޕަކަޕް ކާމިޔާބު ކޮށްފައެވެ.

އެންމެ ފަހުން އަޕްޑޭޓް ކުރީ: 4 ހަފްތާކުރިން | ރިވިއު ކުރީ: ހުޝާމް މުހަޢްމަދް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް