ކ. މާލެ
|
3 ފެބްރުއަރީ 2017 | ހުކުރު 21:34
އާސެނަލްގެ ކޯޗު އާސެން ވެންގާ
އާސެނަލްގެ ކޯޗު އާސެން ވެންގާ
ގޫގުލް
އާސެން ވެންގާ
އާސެނަލް އިން ދެފަހަރެއްގެ މަތިން ކަންޓޭ ހޯދުމަށް މަސައްކަތްކުރި: ވެންގާ
 
ލެސްޓާގައި ހުއްޓާވެސް ކަންޓޭ ހޯދަން މަސައްކަތްކުރިން: ވެންގާ
 
ޗެލްސީ އާއި ލިވަޕޫލް ބައްދަލުކުރި މެޗުގައި ކަންޓޭގެ ފަރާތުން މޮޅު ކުޅުމެއް ފެނުނު: ވެންގާ
 
އާސެނަލް އަށް ދިމާވެފައިވާ އެންމެ ބޮޑު ގޮންޖެހުމަކީ ކުޅުންތެރިންނަށް އަނިޔާވުން

ޗެލްސީ އަށް ކުޅެމުން އަންނަ އެންގޯލޯ ކަންޓޭ ހޯދުމަށް އާސެނަލް އިން ދެފަހަރެއްގެ މަތިން މަސައްކަތްކުރި ކަމަށް އާސެނަލްގެ ކޯޗު އާސެން ވެންގާ ބުނެފި އެވެ.

 

ނޫސްވެރިންނަށް މައުލޫމާތު ދެމުން ވެންގާ ބުނީ މިދިޔަ ބުދަ ދުވަހު ޗެލްސީ އަތުން 1-1 ގެ ނަތީޖާއިން ލިވަޕޫލް އެއްވަރުވި މެޗުގައި ކަންޓޭގެ ފަރާތުން މޮޅު ކުޅުމެއް ފެނިގެން ގޮސްފައިވާ ކަމަށެވެ.

 

ވެންގާ ބުނީ ކަންޓޭ ކުރިން ކުޅުނު ލެސްޓާ ސިޓީ އޮތީ ޗެލްސީ މިދިޔަ ސީޒަނުގައި އޮތް މަގާމުގައި ކަމަށާއި، ޗެލްސީ އޮތީ މިދިޔަ ސީޒަނުގައި ލެސްޓާ އޮތް މަގާމުގައި ކަމަށެވެ. އެގޮތުން ވެންގާ ބުނީ އެއީ އިއްތިފާގެއް ނޫން ކަމަށެވެ.

 

ކަންޓޭ އަށް މީގެ ކުރިން ދެފަހަރެއްގެ މަތިން ބިޑްކޮށްފައިވާ ކަން ފާހަގަކުރަމުން ވެންގާ ބުނީ ފުރަތަމަ ފަހަރަށް ބިޑްކުރީ އޭނާ ލެސްޓާގައި ހުއްޓާ ކަމަށާއި، ދެވަނަ ފަހަރަށް ބިޑުކުރިއިރު، އޭނާ ލެސްޓާ ދޫކޮށްލާފައިވާ ކަމަށެވެ.

 

އާސެނަލް ލީގު ތަށްޓަށް ވާދަކުރަމުން އަންނައިރު، އެޓީމަށް ދިމާވެފައިވާ އެންމެ ބޮޑު ގޮންޖެހުމަކީ ކުޅުންތެރިންނަށް އަނިޔާވުމެވެ. އެގޮތުން މިހާރު ވެސް ސަންޓީ ކަޒޯލާ އަދި އާރޮން ރަމްސީ ވަނީ ކުޅުމާ ދުރުގައެވެ. މީގެ އިތުރުން ގްރަނިޓް ޒާހާ ހުރީ ސަސްޕެންޝަންގައެވެ.

 

ޕްރިމިއާ ލީގެ ޕޮއިންޓް ތާވަލަށް ބަލާއިރު، އާސެނަލް އޮތީ ކުޅުނު 23 މެޗުން ލިބުނު 47 ޕޮއިންޓާއެކު ޕޮއިންޓް ތާވަލުގެ ތިންވަނައިގަ އެވެ. އާސެނަލްއާ އެއް އަދަދަކަށް ޕޮއިންޓް ހޯދައިގެން ލަނޑުގެ ތަފާތުން ދެވަނައިގައި ޓޮޓެންހަމް އޮތްއިރެ، އެއްވަނައިގައި 56 ޕޮއިންޓާއެކު އޮތީ ޗެލްސީ އެވެ.

 

އެންމެ ފަހުން އަޕްޑޭޓް ކުރީ: 17 ގަޑިއިރު ކުރި
ރިވިއު ކުރީ: އަލީ ޔޫސުފް
0%
0%
0%
0%
0%
0%
ކޮމެންޓް