ބޮލީވުޑްގެ ތަރި ވަރުން ދަވަން އާއި އޭނާގެ ލޯބިވެރިޔާ ނަތާޝާ ދަލާލްގެ ކައިވެނި މިއަހަރުގެ ޑިސެމްބަރުގައި ކުރުމަށް ހަމަޖެހިފައިވާ ކަމަށް ރިޕޯޓްތައް ބުނެއެވެ.
ވަރުންގެ އަންނަން އޮތް ފިލްމް "ސްޓްރީޓް ޑާންސަރ 3ޑީ" ރިލީޒް ކުރުން މިއަހަރުގެ ނޮވެމްބަރު މަހަށް ކުރިން ނިންމާފައި އޮތް ނަމަވެސް އެފިލްމް އަންނަ އަހަރު ގެ ޖެނުއަރީ އަށް ފަސްކޮށްފައި ވަނީ ވެސް ވަރުންގެ ކައިވެނި ކުރުމަށް ކަމަށް ރިޕޯޓްތައް ބުނެއެވެ.
ރިޕޯޓްތައް ބުނާގޮތުން މި ކައިވެނި ކުރުމަށް ހަމަޖެހިފައިވަނީ ހިންދޫ ސަޤާފަތާއި އެއްގޮތަށް ޖޯދްޕޫރު ގައެވެ.
ތިން ދުވަހުގެ މުއްދަތަށް ދިގުދެމިގެންދާ މި ކައިވެނި ވެޑިން ޕްލޭނަރ އަކަށް ހަޔަރ ކޮށްފައިވަނީ މިދިޔަހަރު ކައިވެނި ކުރި ޕްރިޔަންކާ ޗޯޕްރާ އާއި ނިކް ޖޯނަސްގެ ވެޑިން ޕްލޭނަރ އެވެ
އަދި ދެފަރާތުގެ އާއިލާއިން ދަނީ ރާޖަސްތާން ސިޓީގައި ކައިވެނީގެ ހަފްލާ ބާޢްވާނެ ތަނަކާއި މެދު މަޝްވަރާކުރަމުން ކަމަށް ރިޕޯޓްތައް ބުނެއެވެ.
ފަހަކަށް އައިސް އެކިއެކި ހަފްލާ ތަކުން ވަރުން އާއި ނަތާޝާ އެކުގައިފެނިގެން ދެއެވެ.
ވަރުން އެންމެ ފަހުން ފެނިގެން ގޮސްފައި ވަނީ "ކަލަންކް" އިންނެވެ. އޭނާ މިވަގުތު ދަނީ "ކޫލީ ނަމްބަރު 1" ގެ ރީމޭކް ކުޅުމަށް ތައްޔާރު ވަމުންނެވެ.
