ސުޕްރީމް ކޯޓުން ސިންގަލް ޔޫސް ޕްލާސްޓިކް ފުޅި ބޭނުންކުރުން ހުއްޓާލައިފި

ސިންގަލް ޔޫސް ޕްލާސްޓިކް މަދުކުރުމުގެ ޤައުމީ ކެމްޕެއިންގައި ބައިވެރިވުމުގެގޮތުން ދިވެހިރާއްޖޭގެ ސުޕްރީމް ކޯޓުގައި ސިންގަލް ޔޫސް ޕްލާސްޓިކް ފުޅި ބޭނުންކުރުން ހުއްޓާލައިފިއެވެ.

ޖޫން 23 ވަނަ ދުވަހުން ފެށިގެން ސިންގަލް ޔޫސް ޕްލާސްޓިކް ފުޅި ބޭނުން ކުރުން ހުއްޓާލާފައިވާ ކަމަށާއި ސުޕްރީމް ކޯޓުގެ ހުރިހާ މުވައްޒަފުންނަށް ފެން އަޅާ ރީޔޫސަބަލް ބިއްލޫރި ފުޅި ޙަވާލުކުރެވިފައިވާ ކަމަށް ސުޕްރީމްކޯޓުން ވަނީ ބުނެފައެވެ.

ސިންގަލް ޔޫސް ޕްލާސްޓިކް މަދުކުރުމުގެ ޤައުމީ ކެމްޕެއިންގައި ބައިވެރިވުމުގެގޮތުން ސަރުކާރުގެ ގިނަ އިދާރާތަކުން ދަނީ ރީޔޫސަބަލް ބިއްލޫރި ފުޅި ބޭނުންކުރަމުންނެވެ. މިގޮތުން ރައްޔިތުންގެ މަޖިލީހުން ވެސް ވަނީ އާދިއްތަ ދުވަހު މަޖިލީހުގައި މަސައްކަތް ކުރާ މުވައްޒަފުންނަށް ދެވަނަ ފަހަރަށް ބޭނުންކުރެވޭ ފުޅި ހަދިޔާ ކޮށްފައެވެ.