ހައިކޯޓުގެ އުތުރު ގޮފީގެ މަސައްކަތްތައް ފަށައިފި
22 ޖޫން 2019 | ހޮނިހިރު 06:21ޝަރުއީ ވަފްދުން އެއް ހަފްތާއަށް މަސައްކަތް ކުރައްވާނެ
ދިވެހިރާއްޖޭގެ ހައިކޯޓު
ހދ. ކުޅުދުއްފުށީގައި ގާއިމްކޮށްފައިވާ ހައިކޯޓުގެ އުތުރު ގޮފީގެ މަސައްކަތްތައް ފަށައިފިއެވެ.
ހައިކޯޓުން ބުނީ އެ ކޯޓުގެ އުތުރު ގޮފީގައި ހޮނިހިރު ދުވަހުން ފެށިގެން އެއް ހަފްތާގެ މުއްދަތައް ދިވެހިރާއްޖޭގެ ހައިކޯޓުގެ ޝަރުއީ ވަފުދަކުން އުތުރު ގޮފީގައި މަސައްކަތް ކުރައްވާނެ ކަމަށެވެ.
ކުޅުދުއްފުށީގައި ގާއިމުކުރެވިފައިވާ، ދިވެހިރާއްޖޭގެ ހައިކޯޓުގެ އުތުރު ގޮފީގައި، މަސައްކަތް ކުރާ ޝަރުއީ ވަފުދުގައި ހިމެނިވަޑައިގަންނަވަނީ ދިވެހިރާއްޖޭގެ ހައިކޯޓުގެ އިސް ފަނޑިޔާރު ޝުޖާއު އުޘްމާން، ފަނޑިޔާރު މުހައްމަދު ނިޔާޒު އަދި ފަނޑިޔާރު މުހައްމަދު ފައިސަލްއެވެ.
މީގެ އިތުރުން ހައިކޯޓުން ބުނީ، ދިވެހިރާއްޖޭގެ ހައިކޯޓުގެ ރެޖިސްޓްރާ މަރްޔަމް ޚޫރުޝީދާ ވެސް ޝަރުޢީ ވަފުގައި އުތުރުގޮފީގައި މަސައްކަތް ކުރައްވާނެ ކަމަށް ހައިކޯޓުން ވަނީ ބުނެފައެވެ.
ހައިކޯޓުން ބުނީ، ދިވެހިރާއްޖޭގެ ހައިކޯޓުގެ ދެކުނު ގޮފީގައި ވެސް ޝަރުޢީ ވަފުދަކުން މިމަހުގެ 14 ވަނަ ދުވަހުން ފެށިގެން މަސައްކަތް ކުރާ ކަމަށެވެ.
