އާދީއްތަ 17 ނޮވެންބަރު 2019
04 ނޮރަ
1441 ރަބީއުލް އައްވަލް 20
ފަތިސް 04:36
އިރުއަރާ 05:51
މެންދުރު 11:55
އަސްރު 15:15
މަޣްރިބް 17:51
އިޝާ 19:06
ރާއްޖެ - ކަނޑުމަތީގެ ހާދިސާ

އުނގޫފާރު ތޮށިމައްޗަށް ލޯންޗެއް އަރާ ތިން މީހަކަށް އަނިޔާވެއްޖެ

  • މި ހާދިސާގައި އަނިޔާވެފައިވަނީ ދިވެއްސަކަށާއި ދެ ބިދޭސީންނަށް
  • މި މައްސަލަ ފުލުހުންނަށް ރިޕޯޓްކޮށްފައިވަނީ 14:40 ގައި

އަޒްލިފާ އަބްދުﷲ
AzuAzlifa

ކ. މާލެ 19 ޖޫން 2019 | ބުދަ 03:08 1,873

ރ. އުނގޫފާރު - ގޫގްލް މެޕްސް

ރ. އުނގޫފާރު ތޮށިމައްޗަށް ލޯންޗެއް އަރާ ތިން މީހަކަށް އަނިޔާވެއްޖެއެވެ.

ފުލުހުން ބުނީ އަންގާރަ ދުވަހު މެންދުރު ހިނގި މި ހާދިސާގައި އަނިޔާވެފައިވަނީ ދިވެއްސަކަށާއި ދެ ބިދޭސީންނަށް ކަމަށެވެ.

މި މީހުންނަށް ފަރުވާ ދިނުމަށްޓަކައި އުނގޫފާރު ހޮސްޕިޓަލަށް ގެންގޮސްފައިވާކަމަށާއި, ފުލުހުން ހޮސްޕިޓަލަށް ގޮސް މިހާދިސާގައި އަނިޔާވި މީހުންނާއި ބައްދަލުކޮށް އެމީހުންގެ ހާލަތު އޮޅުން ފިލުވިއިރު ބޮޑެތި އަނިޔާތަކެއް ލިބިފައި ނުވާކަމަށް މައުލޫމާތުދެއެވެ.

އުނގޫފާރުން "ޖޯލި މޯލްޑިވްސް ރިސޯޓް" އަށް ފުރި "ކެރީ މީ" ނަމަކަށް ކިޔާ މި ލޯންޗް ތޮއްޓަށް އަރާފައި ވަނީ ފަޅުން ނިކުތް ވަގުތު އެ ލޯންޗްގެ އިންޖީނު ހަލާކުވެ ނެރުމައްޗަށް ހުއްޓުމުގެ ސަބަބުންނެވެ.

މައުލޫމާތު ލިބިފައިވާގޮތުގައި އެ ލޯންޗްގައި ތިބީ ޖުމްލަ ފަސް މީހުން ކަމަށާއި އުނގޫފާރު ރައްޔިތުން ނުކުމެ މިހާރު ވަނީ ލޯންޗް ފަޅުތެރެއަށް ވައްދާފައި ކަމަށް ފުލުހުން ބުންޏެވެ.

މި މައްސަލަ ފުލުހުންނަށް ރިޕޯޓްކޮށްފައިވަނީ 14:40 ގައި އުގޫފާރު ރީޖަނަލް ހޮސްޕިޓަލުން ކަމަށާއި އެގަޑީގައި ފުލުހުން ބެލިއިރު ލޯންޗް ވަނީ ފަޅަށް ވައްދާފައި ކަމަށް ފުލުހުން މައުލޫމާތު ދެއެވެ.

އެންމެ ފަހުން އަޕްޑޭޓް ކުރީ: 5 މަސް ކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

ކޮމެންޓް