ހޭނެތިވަޑައިގެން ހޮސްޕިޓަލަށް ގެންދެވުނު ފަހުން، މިސްރުގެ ކުރީގެ ރައީސް މުހައްމަދު މުރްސީ އަވަހާރަވެއްޖެއެވެ.

މިސްރުގެ ދައުލަތުގެ މީޑިއާ ރިޕޯޓްކޮށްފައިވަނީ އަންގާރަ ދުވަހުގެ ވަގުތެއްގައި އުމުރުން 67 އަހަރުގައި މުރްސީ އަވަހާރަވީ، ޝަރީއަތަށް ކޯޓަށް ވަޑައިގެންނެވުމަށް ފަހުގައި ކަމަށެވެ.

އަސްކަރީ ބަޢާވާތެއްގައި ވެރިކަމުން 2013 ވަނަ އަހަރުގެ ޖުލައި މަހު މަގާމުން ދުރުކުރެވުނު މުރްސީ ވެރިކަމަށް ވަޑައިގެންނެވީ 2011 ވަނަ އަހަރުގައެވެ. ހުސްނީ މުބާރަކްގެ 30 އަހަރުގެ ހުދުމުޙުތާރު ވެރިކަން ނިމުމަކަށް ގެނައުމަށް ތަނަވަސް އަޣްލަބިއްޔަތަކުން މުރްސީގެ ވެރިކަން ނިމުމަކަށް އައީ އޭނާއާ ދެކޮޅަށް ކުރެވުނު ވަރުގަދަ މުޒާހަރާތަކަކަށް ފަހުގައެވެ.

މުރްސީގެ ވެރިކަން ނިމުމަކަށް ފަހު، ވެރިކަމަށް އައީ ކުރީގެ އަސްކަރިއްޔާގެ ވެރިޔާ އަދި މިހާރު މިސްރުގެ ރައީސް ސީސީގެ ސަރުކާރުން ވަނީ އޭނާ ނިސްބަތްވެވަޑައިގަންނަވާ މުސްލިމް ބްރަދަރހުޑް މަނާކޮށްފައެވެ. އޭނާއަށް ވެރިކަން ކުރެވުނީ ވެރިކަމުގެ ހަތަރު އަހަރުގެ ތެރެއިން އެންމެ އަހަރެއްގައެވެ.