އެމްޓީސީސީގެ ޔަންމާ ސަރވިސް ކެމްޕެއިން ފަށައިފި
މި ކެމްޕެއިން ކުރިއަށްދާނީ ޖޫން 16 ވަނަ ދުވަހުން ފެށިގެން ގޮސް 19 ވަނަ ދުވަހާއި ހަމައަށް
ކެމްޕެއިން ފެށުމުގެ ހަފްލާގެ ތެރެއިން
އެމްޓީސީސީގެ ޔަންމާ ސަރވިސް ކެމްޕެއިން ފަށައިފިއެވެ.
މި ކެމްޕެއިން އަކީ އެމްޓީސީސީ އާއި ޔަންމާ އޭޝިއާ ގުޅިގެން ހިންގާ ހަރަކާތަކަށްވާއިރު މި ކެމްޕެއިން ކުރިއަށްދާނީ ޖޫން 16 ވަނަ ދުވަހުން ފެށިގެން ގޮސް 19 ވަނަ ދުވަހާއި ހަމައަށެވެ.
މި ކެމްޕެއިންގެ ތެރެއިން ޔަންމާ އޭޝިއާގެ ޓެކްނިކަލް ޓީމާއި އެމްޓީސީސީގެ މުވައްޒަފުން މާލޭގެ އެކި އިތުރުން ރާއްޖޭގެ އެކި ކަންކޮޅުތަކުގައި ހަރަކާތްތެރިވާނެ ކަމަށް އެ ކުންފުނިން ބުނެއެވެ.
މިފަދަ ކެމްޕެއިނެއް ހިންގުމުގެ މަޤްސަދަކީ ޔަމްނާ އިންޖީނު އަޅާފައިވާ އޮޑިދޯނި ފަހަރުތައް ސަރވޭ ކުރުމާއި ކަސްޓަމަރުންނަށް ޖެނުއިން ސްޕެއަރ ޕާޓްސްގެ މުހިމުކަން އަންގައިދީ، ހޭލުންތެރިކަން އިތުރުން ކުރުން ކަމަށް އެމްޓީސީސީން މައުލޫމާތުދެއެވެ.
އެމްޓީސީސީން ފެށި މި ކެމްޕޭނާއި ގުޅުވައިގެން ސަރވިސް ކިޓުތަކެއް ވެސް ވަނީ ތައާރަފުކޮށްފައެވެ. އޭގެ ތެރޭގައި 25 ޕަސެންޓާއި 38 ޕަސެންޓާ ދެމެދުގެ ޑިސްކައުންޓު ލިބޭ ކިޓުތަކެއް ހިމެނެއެވެ.
އެމްޓީސީސީގެ އަމަޒަކީ ކުރިއަތް އޮތް ތާނގައި މިފަދަ ތަފާތު ކެމްޕެއިންތައް ރާއްޖޭގެ އެކި ކަންކޮޅުތަކުގައި ހިންގުމެވެ.
