ފީފާ ވޯލްޑް ރޭންކިން: ރާއްޖެއަށް މި ފަހަރު ވެސް 151 ވަނަ!

ފީފާ ވޯލްޑް ރޭންކިންގައި ރާއްޖޭގެ ފިރިހެން ފުޓުބޯޅަ ޓީމަށް މި ފަހަރު ވެސް ދުނިޔޭގެ 151 ވަނަ ލިބިއްޖެއެވެ.

ފީފާއިން ހުކުރު ދުވަހު ނެރުނު ލިސްޓްގައި ރާއްޖެއަށް 151 ވަނަ ލިބުނުއިރު، އޭޝިއާ ސަރަހައްދުން ރާއްޖެއަށް ލިބިފައި ވަނީ 30 ވަނައެވެ. އަދި މި ސަރަހައްދުން ރާއްޖެއަށް ލިބިފައިވަނީ ތިންވަނައެވެ.

ސަރަހައްދުގެ އެއްވަނައިގައި އޮތީ ދުނިޔޭގެ 101 ވަނައިގައި އޮތް އިންޑިއާއެވެ. އަދި އިންޑިއާ އޮތީ އޭޝިއާ ސަރަހައްދުގެ 18 ވަނައިގައެވެ.

ސަރަހައްދުގެ ދެވަނައިގައި ދުނިޔޭގެ 149 ވަނަ ހޯދި އަފްއާނިސްތާން އޮތްއިރު، ހަތަރުވަނައިގައި އޮތީ ދުނިޔޭގެ 165 ވަނައިގައި އޮތް ނޭޕާލްއެވެ. ފަސްވަނައިގައި ދުނިޔޭގެ 183 ވަނައިގައި އޮތް ބަންގްލަދޭޝް އޮތްއިރު، ހަވަނައިގައި އޮތީ ދުނިޔޭގެ 186 ވަނައިގައި ވަނައިގައި އޮތް ބޫޓާންއެވެ. އަދި ހަތްވަނައިގައި ދުނިޔޭގެ 201 ވަނައިގައި ސްރީލަންކާ އޮތްއިރު، ސަރަހައްދުގެ 8 ވަނައިގައި އޮތީ ދުނިޔޭގެ 205 ވަނައިގައި އޮތް ޕާކިސްތާނެވެ.

މިފަހަރު އެންމެ ބޮޑަށް ރޭންކިންގައި ފަހަތަށް ވެއްޓިފައިވަނީ ގްރީސްއެވެ. އެޓީމަށް ނުވަ ދަރަޖައިގެ ވެއްޓުމެއް އައިސްފައިވާއިރު، އެޓީމު އޮތީ ދުނިޔޭގެ 52 ވަނައިގައެވެ. އެންމެ ބޮޑު ކުރިއެރުމެއް ހޯދާފައިވަނީ 42 ވަނައިގައި އޮތް ހަންގޭރީ އާއި 97 ވަނައިގައި އޮތް އަރްމީނިއާ އަދި 159 ވަނައިގައި އޮތް މެލޭޝިއާއެވެ. މި ތިން ޓީމުވެސް ވަނީ ނުވަ ދަރަޖައިގެ ކުރިއެރުމެއް ހޯދާފައެވެ.

ދުނިޔޭގެ އެއްވަނައިގައި މިފަހަރުވެސް ބެލްޖިއަމް އޮތްއިރު، ދެވަނަ ލިބުނީ ފްރާންސަށެވެ. އަދި ތިންވަނައިގައި ބްރެޒިލް އޮތްއިރު، ހަތަރުވަނައިގައި އޮތީ އިންގްލޭންޑެވެ. އަދި މިއަހަރުގެ ނޭޝަންސް ލީގު ކާމިޔާބުކުރި ޕޯޗުގަލް އޮތީ ފަސްވަނައިގައެވެ.