ޅ.ނައިފަރު ފިހާރައެއްގެ ބިއްލޫރިގަނޑު ތަޅާލައިގެން ވައްކަންކުރި ކަމުގެ ތުހުމަތުގައި 29 އަހަރުގެ މީހަކު ހައްޔަރުކޮށްފިއެވެ.
ފުލުހުން ބުނީ ބުދަ ދުވަހުގެ 06:15 ހާއިރު ނައިފަރުގެ ފިހާރައެއްގެ ބިއްލޫރިގަނޑުތަޅާލައިގެން ވައްކަން ކޮށްފައިވާ މައްސަލަ ހުށަހަޅާފައިވާ ކަމަށެވެ.
މިމައްސަލަ ހުށަހެޅުމާއި ގުޅިގެން ތުހުމަތު ކުރެވޭ ފަރާޓް ހޯދުމަށްޓަކައި ކުރެވުނު މަސައްކަތުން ބުދަ ދުވަހުގެ 11:40 ހާއިރު ކޯޓު އަމުރެއްގެ ދަށުން 29 އަހަރުގެ ފިރިހެނަކު ހައްޔަރުކޮށްފައިވާ ކަމަށް ފުލުހުން ބުންޏެވެ.
މީގެ އިތުރުން ފުލުހުން ބުނީ ފުލުހުން ބުނީ އެފިހާރައިން ވަގަށް ނަގާފައިވާ 1100 ރުފިޔާ އާއި 750 ޑޮލަރުގެ ތެރެއިން 556 ޑޮލަރު އާއި 20 ޔޫރޯ އާއި 845 ރުފިޔާ ހޯދާފައިވާ ކަމަށެވެ.
ފުލުހުން ބުނީ ވައްކަން ކުރުމަށް ބޭނުންކުރި ތަކެތި ވެސް ހޯދާފައިވާ ކަމަށެވެ.
މިމައްސަލަ ފުލުހުން ދަނީ ތަހުގީގު ކުރަމުންނެވެ.
