ނަމާލް ރާޖަޕަކްސަ ރާއްޖެޓީވީއަށް ޒިޔާރަތްކޮށްފި
11 ޖޫން 2019 | އަންގާރަ 12:47ނަމާލް ރާއްޖެ ވަޑައިގެންނެވީ ލަންކާގެ ހާލަތު ރާއްޖޭގެ ސިޔާސީ ފަރާތްތަކައް ހާމަކޮށްދެއްވުމަށް
ނަމާލް ރާއްޖެޓީވީގެ ޓީމާއިއެކު
ސްރީލަންކާގެ ކުރީގެ ރައީސް މަހިންދަ ރާޖަޕަކްސާގެ ދަރިކަލުން ނަމާލް ރާޖަޕަކްސަ ރާއްޖެޓީވީއަށް ޒިޔާރަތްކޮށްފި އެވެ.
ނަމާލް ރާއްޖެއަށް ކުރައްވާ ޒިޔާރަތުގައި ރާއްޖެޓީވީއަށް ވަޑައިގެން ވަނީ ސްޓޭޝަންގެ އިސްވެރިންގެ އިތުރުން ނޫސްވެރިންނާއި ބައްދަލުކުރައްވާފައެވެ. ސްޓޭޝަން ބައްލަވާލައްވާ، ނޫސްވެރިންގެ މަސައްކަތާއި ގުޅޭ ކުޑަ ތައާރަފެއް ރާއްޖެ ޓީވީގެ ނިއުސް ހެޑް އަލީ ޔޫސުފް ވަނީ ނަމާލްއަށް ދެއްވާފައެވެ.
ރާއްޖެ ޓީވީގެ ފަރާތުން ވަނީ ނަމާލް އަށް ހަދާނީ ހަދިޔާއެއްވެސް އަރުވާފައެވެ.
ރާއްޖޭގެ ޓީވީ ސްޓޭޝަންތަކުގެ ތެރެއިން ނަމާލް ޒިޔާރަތް ކުރެއްވި ހަމައެކަނި ސްޓޭޝަނަކީ ރާއްޖެ ޓީވީއެވެ.
ނަމާލް ރާއްޖެއަށް ވަޑައިގެންގެން އުޅުއްވަނީ ލަންކާ ހާލަތު ރާއްޖޭގެ ސިޔާސީ ފަރާތްތަކާއި ހިއްސާ ކުރެއްވުމުގެ ގޮތުންނެވެ. ދަތުރުފުޅު ނިންމަވާލެއްވުމަށްފަހު، ނަމާލް ލަންކާއަށް ފުރާވަޑައިގަންނަވާނީ މިރޭގެ ވަގުތެއްގައެވެ.
ނަމާލް ރާޖަޕަކްސައަކީ ހަމްބަންތޮޓާ ޑިސްޓްރިކްޓްގެ ޕާލަމެންޓް މެމްބަރެކެއެވެ. އޭނާ އަކީ ލަންކާގެ ސިޔާސީ ދާއިރާގައި ނުފޫޒު ގަދަ ފަރާތެކެއެވެ.
