މީހުން ޓްރެފިކް ކުރުން ހުއްޓުވުމުގެ ގާނޫނުގެ ދަށުން ޓްރެފިކް ކުރުމާއި، ގުޅޭ ކަންކަން ވިލަރެސްކުރާ ކޮމިޓީގައި 19 ވަނަ މަޖިލިސްގެ ތެރެއިން އިންނަވާނެ މެމްބަރަކަށް ހިންނަވަރު ދާއިރާގެ މެމްބަރު ޖީހާން މަހްމޫދު އައްޔަންކޮށްފިއެވެ.

މީހުން ޓްރެފިކް ކުރުން ހުއްޓުވުން ވިލަރެސްކުރާ ކޮމިޓީއަށް ޖީހާން އައްޔަން ކުރަން ފެންނަ ކަމަށް 81 މެމްބަރުން ވަނީ ވޯޓް ދެއްވާފައެވެ.

18 ވަނަ މަޖިލީހުގައި އެ ކޮމިޓީގައި އިންނެވި ރައްޔިތުންގެ މަޖިލީހުގެ މެމްބަރަކީ ގައްދޫ ދާއިރާގެ އޭރުގެ މެމްބަރު އަހްމަދު ރަޝީދެވެ.

މީހުން ޓްރެފިކް ކުރުން ހުއްޓުވުމުގެ ގާނޫނުގެ ދަށުން އުފައްދަންޖެހޭ ވިލަރެސްކުރާ ކޮމިޓީ އުފައްދާފައި ވަނީ 2013 ވަނަ އަހަރުގެ ޑިސެމްބަރު މަހުގެ 12 ވަނަ ދުވަހު ކުރީގެ ރައީސުލް ޖުމްހޫރިއްޔާ އަބްދުﷲ ޔާމީން އަބްދުލް ގައްޔޫމްއެވެ.

އެކި ދާއިރާ ތަކުން ޖުމްލަ 14 މެންބަރުން ހިމެނޭ މި ކޮމިޓީގައި މަޖިލިސް މެންބަރަކު އިންނަވަންޖެހިވަޑައިގަންނަވަ އެވެ.