އިންކްލޫޒިވް ސިޔާސަތުން ރާއްޖެއަށް ހަމަޖެހުން ލިބިއްޖެ: އަލީ ވަހީދު
ބޭރު ދުނިޔޭގައި ރާއްޖެ އަނެއްކާވެސް މުހިންމުވެއްޖެ ކަމަށް އަލީ ވަހީދު ވިދާޅުވި
މިނިސްޓަރ އަލީ ވަހީދު، ރައީސް ސޯލިހާއެކު
ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހްގެ ސިޔާސަތުގެ ސަަބަބުން އަނެއްކާ ވެސް ބޭރު ދުނިޔޭގައި ރާއްޖެ މުހިންމުވެއްޖެ ކަމަށް ޓޫރިޒަމް މިނިސްޓަރ އަލީ ވަހީދު ވިދާޅުވެއްޖެ އެވެ.
އަލީ ވަހީދުކުރެއްވި ޓުވީޓެއްގައި ވިދާޅުވީ ރައީސް އިބްރާހިމް މުހައްމަދު ސޯލިހްގެ "އިންކްލޫޒިވް" ސިޔާސަތުން ރާއްޖެއަށް ހަމަޖެހުން ގެނެސްދީފައިވާ ކަމަށެވެ. އަދި ބޭރު ދުނިޔޭގައި ރާއްޖެ އަނެއްކާ ވެސް މުހިންމުވެއްޖެ ކަމަށް އަލީ ވަހީދު ވިދާޅުވި އެވެ.
މިނިސްޓަރ ވިދާޅުވީ ދިވެހިން އުންމީދުކުރީ ދިވެހިިންނަށް ފައިދާވާނެ ސިޔާސަތުތަކަކަށް ކަމަށެވެ. އަދި އެކަންކަން ހާސިލްވަމުން އަންނަކަށް މިނިސްޓަރ ފާހަގަކުރެއްވި އެވެ.
ރައީސް އިބްރާހިމް މުހައްމަދު ސޯލިހް ވެރިކަމަށް ވަޑައިގެން ރާއްޖޭގެ ހާރިޖީ ސިޔާސަތަށް ވަނީ ބޮޑެތި ބަދަލުތަކެއް ގެންނަވާފަ އެވެ. އެ ބަދަލުތަކާއެކު ބައިނަލްއަޤުވާމީ މައިދާނުގައި ރާއްޖޭގެ އަޑު އަނެއްކާވެސް ވަނީ ގަދަވެގެންގޮސްފަ އެވެ.
