ކ. މާލެ
|
9 ޖޫން 2019 | އާދީއްތަ 12:12
އެންޓޯނިއޯ ގްރިޒްމަން
އެންޓޯނިއޯ ގްރިޒްމަން
ގެޓީ އިމޭޖަސް
އެންޓޯނިއޯ ގްރިޒްމަން
ކުރިޔަށް އޮތް ސީޒަނުގައި ކުޅޭނެ ޓީމެއް ނިންމައިފިން: ގްރިޒްމަން
 
ގްރިޒްމަން ވަނީ މި ސީޒަނަށް ފަހު އެޓްލެޓީކޯ ދޫކޮށްލާނެކަން އިއުލާންކޮށްފައި

ކުރިޔަށް އޮތް ސީޒަނުގައި ކުޅޭނެ ޓީމެއް ނިންމާފައިވާ ކަމަށް އެޓްލެޓިކޯ މެޑްރިޑަށް ކުޅެމުން އައި ފްރާންސްގެ ފޯވާޑް އެންޓޯނިއޯ ގްރިޒްމަން ބުނެފިއެވެ.

ޓެލެމަޓިން އަށް ދިން އިންޓަވިއުއެއްގައި ގްރިޒްމަން ބުނީ، ކުރިޔަށް އޮތް ސީޒަނުގައި އޭނާ ކުޅޭނެ ޓީމު އެނގޭ ކަމަށެވެ. ނަމަވެސް އިތުރު ތަފްސީލެއް އޭނާ ދީފައެއް ނުވެއެވެ.

ދާދި ފަހުން ޓްރާންސްފާއާ ގުޅިގެން ގްރިޒްމަން ބުނީ، އަދިވެސް ކަންކަން އެއްކޮށް ހަމަނުޖެހޭ ކަމަށާއި، ހުރިހާ ކަމެއް ވެސް ރަނގަޅު ވަގުތުގައި އެނގިގެންދާނެ ކަމަށެވެ.

ކުރިޔަށް އޮތް ސީޒަނުގައި ގްރިޒްމަން ކުޅޭނެ ކްލަބެއް ނޭނގޭ ކަމަށް އެޓްލެޓިކޯ މެޑްރިޑްގެ ރައީސް އެންރީކޭ ސެރޭޒޯ ވެސް ވަނީ ވިދާޅުވެފައެވެ. އޭނާ ވިދާޅުވީ، ގްރިޒްމަން ވެސް ބަދަލުވާ ކްލަބް ބުނެފައިނުވާ ކަމަށެވެ.

އެޓްލެޓިކޯ ދޫކޮށްލުމަށް ފަހު، ގްރިޒްމަން ބުނީ، މި ސީޒަނަށް ފަހު އެޓްލެޓިކޯ ދޫކޮށްލަން އޭނާ ނިންމާފައިވާ ކަމަށާއި، އާކަންތައްތަކެއް ތަޖުރިބާ ކުރުމަށް ބޭނުންވާ ކަމަށެވެ.

ރިޕޯޓްތައް ބުނާ ގޮތުން ގްރިޒްމަން ބަދަލުވުން އެންމެ ގާތީ ބާސެލޯނާއަށެވެ. އެގޮތުން އޭނާގެ ޓްރާންސްފާގެ ކަންކަން ބާސާ އާއި އެޓްލެޓިކޯ އިން ކުރަމުން އަންނަ ކަމަށް ރިޕޯޓްތައް ބުނެއެވެ.

ގްރިޒްމަން އޭނާގެ ކެރިޔަރު ފެށީ 2009 ވަނަ އަހަރު ރެއާލް ސޮސައިޑާޑް އިންނެވެ. އޭނާ އެޓްލެޓިކޯ އަށް ބަދަލުވީ 2014 ވަނަ އަހަރެވެ. އެގޮތުން އޭނާ ވަނީ އެޓްލެޓިކޯގައި މިހާތަނަށް ހޭދަކުރި ފަސް ސީޒަނުގައި އެ ކްލަބަށް ކުޅުނު 257 މެޗުގައި 133 ލަނޑު ކާމިޔާބު ކޮށްފައެވެ.

އެޓްލެޓިކޯއާ އެކު ޔުއެފާ ޔޫރޮޕާ ލީގު، ޔުއެފާ ސުޕާކަޕް އަދި ސްޕެނިޝް ސުޕާކަޕް ކާމިޔާބު ކޮށްފައިވާ ގްރިޒްމަން ވަނީ އެ ކްލަބުގައި އަމިއްލަ ގިނަ ރެކޯޑްތައް ވެސް ހަދާފައެވެ.

ލަލީގާގެ އެންމެ މޮޅު ކުޅުންތެރިޔާގެ މަގާމު 2016 ވަނަ އަހަރު ހޯދާފައިވާ ގްރިޒްމަން ވަނީ ހަމަ އެ އަހަރު ބެލޮންޑޯ އެވޯޑުގެ ތިންވަނަ ފަހަރު ހޯދާފައެވެ. އަދި އޭނާ ވަނީ މިދިޔަ އަހަރު ބެލޮންޑޯ އެވޯޑުގެ ތިންވަނަ ވެސް ހޯދާފައެވެ.

ފްރާންސް ގައުމީ ޓީމާއެކު މިދިޔަ އަހަރު ރަޝިއާގައި ބޭއްވި ފީފާ ވޯލްޑް ކަޕް ކާމިޔާބު ކޮށްފައިވާ ގްރިޒްމަން ވަނީ 2010 ވަނަ އަހަރު ފްރާންސްގެ 19 އަހަރުން ދަށުގެ ޓީމާއެކު ޔޫރޯ ވެސް ކާމިޔާބު ކޮށްފައެވެ. އޭނާ ވަނީ ގައުމީ ޓީމަށް މިހާތަނަށް ކުޅުނު 70 މެޗުގައި 29 ލަނޑު ކާމިޔާބު ކޮށްފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަލީ ޔޫސުފް
16%
36%
4%
24%
12%
8%
ކޮމެންޓް