ބުދަ 26 ޖޫން 2019
10 އަދަ
1440 ޝައްވާލް 22
ފަތިސް 04:38
އިރުއަރާ 05:56
މެންދުރު 12:13
އަސްރު 15:36
މަޣްރިބް 18:21
އިޝާ 19:40
ކުޅިވަރު - ގެރެތު ސައުތުގޭޓް

އިންގްލޭންޑް ދޫކޮށްލުމުގެ ވިސްނުމެއް ނުގެންގުޅެން: ސައުތުގޭޓް

  • ސައުތުގޭޓް ވަނީ އިންގްލޭންޑްގެ 21 އަހަރުން ދަށުގެ ޓީމަށްވެސް އިރުޝާދު ދީފައި

ލީވާން އަލީ
MrLeevaan

ކ. މާލެ 9 ޖޫން 2019 | އާދީއްތަ 10:35 1,508

ގެރެތު ސައުތުގޭޓް - ރާއްޖެއެމްވީ

އިންގްލޭންޑް ދޫކޮށްލުމުގެ ވިސްނުމެއް ނުގެންގުޅޭ ކަމަށް އެޓީމުގެ ކޯޗު ގެރެތު ސައުތުގޭޓް ބުނެފިއެވެ.

ނޫސްވެރިންނަށް މައުލޫމާތު ދެމުން ސައުތުގޭޓް ބުނީ، އެހެން ޓީމަކާ ހަވާލުވުމުގެ ވިސްނުމެއް ނުގެންގުޅޭ ކަމަށާއި، އިންގްލޭންޑް ދޫކޮށްނުލާނެ ކަމަށެވެ.

ސައުތުގޭޓް މިހެން ބުނެފައިވަނީ އިންގްލޭންޑްގެ ކޯޗުކަން ދޫކޮށްލުމަށް ފަހު، އޭނާ ޗެލްސީއާ ހަވާލުވާން އުޅޭ ކަމަށް ރިޕޯޓްތައް ބުނަމުން އައި ދަނޑިވަޅެއްގައެވެ.

ސައުތުގޭޓް ބުނީ، އޭނާގެ ހުރިހާ ވެސް ވިސްނުމެއް މިވަގުތު ހުރީ އިންގްލޭންޑް ޓީމުގެ ފެންވަރު ރަނގަޅުކުރުން ކަމަށާއި، ބޭނުންވަނީ އެންމެ މޮޅު ޓީމަށް އިންގްލޭންޑް ހެދުން ކަމަށެވެ.

ޔުއެފާ ނޭޝަންސް ލީގުގެ ފައިނަލުން އިންގްލޭންޑަށް ޖާގަ ގެއްލިފައިވާއިރު، މުބާރާތުގެ ތިންވަނަ ހޮވާ މެޗުގައި އާދީއްތަ ދުވަހު އިންގްލޭންޑް ނިކުންނާނީ ސްވިޒަލޭންޑާ ދެކޮޅަށެވެ.

މީގެ ކުރިން އިންގްލޭންޑް ގައުމީ ޓީމަށް ވެސް ކުޅެފައިވާ ސައުތުގޭޓް އިންގްލޭންޑް ގައުމީ ޓީމާ ހަވާލުވީ 2016 ވަނަ އަހަރު ފަސް އަހަރުގެ އެއްބަސްވުމެއްގެ ދަށުންނެވެ. އެގޮތުން އޭނާގެ އެއްބަސްވުން ހަމަވާނީ 2021 ވަނަ އަހަރެވެ. އޭނާ ވަނީ އިންގްލޭންޑްގެ 21 އަހަރުން ދަށުގެ ޓީމަށްވެސް އިރުޝާދު ދީފައެވެ.

ސައުތުގޭޓްގެ އިރުޝާދުގެ ދަށުން އިންގްލޭންޑް މިހާތަނަށް 34 މެޗު ކުޅެފައިވާއިރު، 19 މެޗުން އެޓީމު ވަނީ މޮޅުވެފައެވެ. ބާކީ ހަތް މެޗުން އެ ޓީމުން ބަލިވިއިރު، 8 މެޗުން ވަނީ އެއްވަރުވެފައެވެ.

އެންމެ ފަހުން އަޕްޑޭޓް ކުރީ: 2 ހަފްތާކުރިން | ރިވިއު ކުރީ: އަލީ ޔޫސުފް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް