ކޯސްޓަލް ސަވޭލިއަންސް ރޭޑާ ސިސްޓަމާއި ކޮމްޕޮސިޓް ޓްރޭނިންގ ސެންޓަރ އިފްތިތާހުކޮށްފި
ކޮމްޕޮސިޓް ޓްރޭނިންގ ސެންޓަރަކީ 7 މިލިއަން ޑޮލަރުގެ މަޝްރުއޫއެއް
ރައީސުލް ޖުމްހޫރިއްޔާ އިބްރާހީމް މުހައްމަދު ސޯލިހް އާއި އިންޑިއާގެ ބޮޑުވަޒީރު ނަރެންދްރަ މޯދީ
ރައީސުލް ޖުމްހޫރިއްޔާ އިބްރާހީމް މުހައްމަދު ސޯލިހް އާއި އިންޑިއާގެ ބޮޑުވަޒީރު ނަރެންދްރަ މޯދީ ޅ. މާފިލާފުށީގައި އެމްއެންޑީއެފް އަށް ޤާއިމްކޮށްފައިވާ ކޮމްޕޮސިޓް ޓްރޭނިންގ ސެންޓަރާއި ކޯސްޓަލް ސަވޭލިއަންސް ރޭޑާ ސިސްޓަމް އިފްތިތާހުކޮށްދެއްވައިފިއެވެ.
މި ދެ މަޝްރޫއަކީ ވެސް އިންޑިއާ ސަރުކާރުގެ ފަރާތުން ތަރައްޤީކޮށްފައިވާ ދެ މަޝްރޫއެވެ.
ހޮނިހިރު ދުވަހު ރައީސް އޮފީހުގައި އޮތް ބައްދަލުވުމުގައި އިފްތިތާހުކޮށްފައިވާ ކޮމްޕޮސިޓް ޓްރޭނިންގ ސެންޓަރަކީ 7 މިލިއަން ޑޮލަރުގެ މަޝްރުއޫއެކެވެ. ކޯސްޓަލް ސަވޭލިއަންސް ރޭޑާ ސިސްޓަމްތައް ޤާއިމުކޮށްފައިވަނީ ލ. ކައްދޫ އަދި މ. މުލީގައެވެ.
މޯދީގެ ދަތުރުފުޅުގެ މައިގަނޑު ތިން ބޭނުމެއްވާކަން ފާހަގަކޮށް ބުރާސްފަތި ދިވަހު ބޭއްވި ނޫސްވެރިންގެ ބައްދަލުވުމުގައި އިންޑިއާގެ ފޮރިންގ ސެކެޓްރީ ވިޖޭ ގޯކާލޭ ވިދާޅުވީ އަވަށްޓެރި ޤައުމުތަކާއި އެއްކޮށް ގުޅުން ބަދަހިކުރުމާއި ރާއްޖޭގެ ތަރައްޤީގެ ބައިވެރިއެއްގެ ގޮތުގައި ހަރަކާތްތެރިވުމާއި ދެ ޤައުމުގެ ރައްޔިތުންގެ ދެމެދުގައި އޮތް ގުޅުން އިތުރަށް ހަރުދަނ ކުރުމެވެ.
ރައީސް ސޯލިހް ވެރިކަމަށް އައުމަށްފަހު އިންޑިއާ އާއި ރާއްޖެއާ ދެމެދު އޮތް ގުޅުން އިތުރަށް ހަރުދަނާވެ ވަރުގަދަވެގެން ހިނގައްޖެ ކަމަށް އިންޑިއާގެ އިންޑީއާގެ ފޮރިންގ ސެކެޓްރީ ވަނީ ފާހަގަކުރައްވާފައެވެ.
