ހުކުރު ނަމާދުގައި ހުއްޓަ އަނބުރައިގަނެގެން ވެއްޓުނު މީހާ ނިޔާވެއްޖެ
7 ޖޫން 2019 | ހުކުރު 10:47އެއީ 44 އަހަރުގެ މީހެއް
އަމްނާ އިމާދު | 7 ޖޫން 2019 | ހުކުރު 10:47
ނައިބް ރައީސް ފައިސަލް ނަސީމް، އެ މީހާ ކާރަށް އެރުވުމަށް އެހީތެރިވެވަޑައިގަންނަވަނީ
ހުކުރު ނަމާދުގައި ހުއްޓަ އަނބުރައިގަނެގެން ވެއްޓުނު މީހާ ނިޔާވެއްޖެއެވެ.
ޒިޔާރަތް މިސްކިތުގައި ނަމާދު ކުރަން ހުއްޓައި އަނބުރައިގަނެގެން ވެއްޓުނީ 44 އަހަރުގެ ފިރިހެނެކެވެ.
އައިޖީއެމްއެޗްގެ މީޑިއާ އޮފިޝަލް ވިދާޅުވީ އަނބުރައިގަނެގެން ގެނައި މީހާއަށް އެމަޖެންސީގައި ފަރުވާ ދެމުން ދަނިކޮށް ނިޔާވެފައިވާ ކަމަށާއި، ނިޔާވީ ކީއްވެގެންކަން އަދި ސާފުނުވާ ކަމަށެވެ.
އަނބުރައިގަނެގެން އެ މީހާ ވެއްޓުމުން އެވަގުތު އައިޖީއެމްއެޗްއަށް އެ މީހާ ގެންދިޔައީ ނައިބު ރައީސް ފައިސަލް ނަސީމުގެ ސެކިއުރިޓީންގެ ކާރުކޮޅުގައެވެ. ފައިސަލް ވަނީ އެ މީހާ އަށް ވަގުތުން އެހީތެރިކަން ފޯރުކޮށްދެއްވާފައެވެ.
