މާލޭގައި ކާރެއް ކޮންޓްރޯލުން ނެއްޓި ނުރައްކާތެރި އެކްސިޑެންޓެއް ހިނގައިފި
7 ޖޫން 2019 | ހުކުރު 03:28ކާރު ދުއްވި މިހާގެ ލައިސެންސް ހިފަހައްޓާފައި
މާލޭގެ ހިނގި ނުކުރައްކާތެރި އެކްސިޑެންޓްގައި ގެއްލުންވި ކާރު
ކާރެއް ކޮންޓްރޯލުން ނެއްޓިގެން ގޮސް މެރިން ރިސާޗް ސެންޓަރު ހުރި އިމާރާތަގައި ޖެހި ނުރައްކާތެރި އެކްސިޑެންޓެއް ހިނގައިފިއެވެ.
މިއެކްސިޑެންޓްގައި އެކާރު ކުރީކޮޅު އޮތީ ފުޑުފުޑުވެފައެވެ.
ފުލުހުން ބުނީ ބުރާސްފަތި ދުވަހުގެރޭ ދަންވަރު 01:47 ހާއިރު ސިނަމާލެ ބްރިޖް މަތިން ބާރު ސްޕީޑެއްގައި ދުއްވާފައި ދިޔަ ކާރެއް ކޮންޓްރޯލް ނުވެ ގޮސް އަމީނިމަގު ރިސާޗް ސެންޓަރު ހުރި އިމާރާތުގައި ޖެހި އެކްސިޑެންޓެންޓް ވެގެން ފުލުހުންނަށް ރިޕޯޓް ކޮށްފައިވާ ކަމަށެވެ.
ފުލުހުން ބުނީ، އެ ކާރު ދުއްވަން އިނީ 34 އަހަރުގެ ފިރިހެނެއް ކަމަށާއި، އޭނާ އަށް އަނިޔާވެގެން ސެނަހިޔާ ހޮސްޕިޓަލުގައި ފަރުވާދެމުންދާ ކަމަށެވެ. އަދި އެކާރަކީ އެހެން ޒޯނެއްގެ ކާރެއް ކަމަށާއި އެ މީހާ އަތުގައި ލައިސެންސް އޮތް ކަމަށް ފުލުހުން ބުންޏެވެ.
ކާރު ދުއްވި މީހާގެ ލައިސެންސް ފުލުހުން ވަނީ ހިފަހައްޓާފައެވެ. އަދި އެ މައްސަލަ ފުލުހުން ދަނީ ތަހުގީގު ކުރަމުންނެވެ.
