ކެނެޑާއިން ފިލިޕީންސްއަށް އެތެރެކޮށްފައިހުރި ކުނިތަކެއް އަނބުރާ ފޮނުވާލައިފި

ކެނެޑާއިން ފިލިޕީންސްއަށް އެތެރެކޮށްފައިހުރި ގިނަ އަދަދެއްގެ ކުނި އަނބުރާ އެގައުމަށް ފޮނުވާލައިފިއެވެ.

އަލުން އިއާދަ ކުރުމަށް ކަމަށް ބުނެ ފިލިޕީންސްގެ މަނީލާއަށް 2014 ވަނަ އަހަރު ޕްލާސްޓިކުގެ ބާވަތްތަކެއް ވަނީ އެތެރެ ކޮށްފައެވެ. ނަމަވެސް މިހާތަނަށް، އެތަކެތި އަލުން ބޭނުންކުރެވޭނެ ފަދަ އިންތިޒާމެއް ހަމަޖެހިފައެއް ނުވެއެވެ. އަދި ފިލިޕީންސް އިން ބުނާ ގޮތުގައި އެއީ އޮޅުވާލައިގެން އެތެރެ ކޮށްފައިވާ ކުނީގެ ބާވަތްތަކެކެވެ.

އެތަކެތި ފިލިޕީންސްއިން ބޭރު ކުރުމާއި ނައްތާލުމުގެ ފުރިހަމަ ޒިންމާ ކެނެޑާއިން ނަގަން އެއްބަސްވެފައިވާއިރު، މަނީލާގެ ސިއުބިކް ބޭ އިން ކެނެޑާއަށް ދަތުރުކުރި ބޯޓުފަހަރުގައިވެސް 69 ކޮންޓެއިނަރުގެ ކުނި ހުރިކަމަށްވެއެވެ.

ފިލިޕިންސްގެ ފޮރިން މިނިސްޓަރުގެ ސެކްރެޓަރީ ޓެޑީ ލޮކްސިން ޖޭއާރް ވަނީ މިކަމާއި ގުޅޭގޮތުން ޓްވީޓެއްވެސް ކުރައްވާފައެވެ. ކުނިތައް މަތިން ވަރަށް ހަނދާން ވާނެ ކަމަށް ބުނެ އޭނާ ވަނީ ސަމާސާ ކުރައްވާފައެވެ.

ކުނީގެ ގޮތުގައި 1500 ޓަނުގެ ތަކެތި ހުރިއިރު، މިއަންނަ ޖޫން މަސް ނިމެންވާއިރަށް އެތަކެތި ކެނެޑާގެ ވެންކޫވާއަށް އެތެރެކޮށް ނިމޭނެ ކަމަށް ބޭރުގެ މީޑިއާތަކުން ބުނެފައިވެއެވެ. އަދި އެތަކެތިން ވަނީ އިއާދަ ކުރަނިވި ހަކަތަ އުފައްދަން ނިންމާފައެވެ.

ކެނެޑާގެ އެންވަޔަރަމަންޓް މިނިސްޓަރުގެ ސެކްރެޓަރީ ޝޯން ފްރޭޝަރ ބީބީސީ އަށް މައުލޫމާތު ދީފައިވާ ގޮތުގައި، ފިލިޕިންސް އިން އެއީ ވަރަށް ސީރިއަސް މައްސަލައެއް ގޮތުގައި ނިންމާފައިވުމުން، ގިނަ އަހަރުތަކަކަށް ދެމިގެން ގޮސްފައިވާ މިމައްސަލައާއިމެދު އެގައުމުން އަވަސް ނިންމުމެއް ނިންމަން ވަނީ މަސައްކަތް ކޮށްފައެވެ.

ފިލިޕީންސްގެ އިތުރުން މެލޭޝިއާއިން ވެސް މިފަދަ މައްސަލައެއް ބޮޑުވެ، އެގައުމަށް އެހެން ގައުމުތަކުން އެތެރެ ކޮށްފައިވާ ގިނަ އަދަދެއްގެ ކުނި އަނބުރާ އެ ގައުމުތަކަށް ފޮނުވުމުގެ މަސައްކަތް މިހާރު ވަނީ ފަށާފައެވެ.