ބާޒާރުގައި ޕެޝަން ފުރުޓްގެ އަގު އަދިވެސް ދަށެއް ނުވެއެވެ. މީގެ ފަސް ދުވަސް ކުރިން ވެސް ޕެޝަން ފުރުޓް ކިލޯއެއްގެ އަގު އުޅެނީ 80ރ އަށެވެ.
ވިޔަފާރިވެރިން އޭރު ބުނެފައިވަނީ ފެޝަން ފުރުޓްގެ އަގު އުފުލިފައިވަނީ ލިބުމަށް ދަތިވުމުން ކަމަށެވެ.
ބާޒާރުގައި އަނބު ކިލޯއެއް 60ރ އަށް ލިބެންހުރިއިރު ރަންބުސްތާން 150ރ ކިލޯއެއް
މޭބިސްކަދުރު ކިލޯއެއް 90ރ އަށެވެ. އަދި އަތަ 120ރ އަށް ކިލޯ ލިބެންހުރިއިރު އަންނާރު ކިލޯ ލިބެންހުރީ 65ރ އަށެވެ.
މީގެ އިތުރުން ފޭރު ކިލޯއެއް 50ރ އަށް ލިބެންހުރިއިރު މުރަނގަ ތޮޅި ލިބެންހުރީ 50ރ އަށް ކިލޯއެކެވެ. ބަޓާނާ 35ރ އަށް ކިލޯ ހުރިއިރު ކަރާ ކިލޯއެއް ހުރީ 25ރ އަށެވެ. ފަޅޯ 15ރ އަށް ކިލޯ ލިބެންހުރިއިރު ފެޝަން ފުރުޓް ލިބެންހުރީ 80ރ އަށް ކިލޯއެވެ. އަދި ލުނބޯ 35ރ ކިލޯ ހުރިއިރު ޓޮމާޓޯ ލިބެންހުރީ 45ރ އަށް ކިލޯއެވެ.
100 ގްރާމް މިރުސް 20ރ އަށް ބާޒާރުގައި ލިބެންހުރިއިރު އަލަނާސި ގަނޑެއް 45ރ އަށެވެ.
އެހެން ރޯދަ މަސްތަކާއި އަޅަބަލާއިރު މި ރޯދަ މަހު ބާޒާރުގައި ވިއްކަން ހުރި ގިނަ ތަކެތީގެ އަގު ވަނީ އެއް ހަމައެއްގައި ހިފެހެއްޓިފައެވެ.
