ރާއްޖެ
ޗީފް އޮފް ޑިފެންސް ފޯސް
ޗީފް އޮފް ޑިފެންސްފޯސްގެ ދަތުރުފުޅު ނިންމަވާލެއްވުމަށް ފަހު މާލެ ވަޑައިގެންފި
ޝަމާލް އެމެރިކާއަށް ފުރާވަޑައިގަތީ މެއި މަހުގެ 19 ވަނަ ދުވަހު
ސިމާހާ ނަސީމް, ރާއްޖެ އެމްވީ | 27 މެއި 2019 | ހޯމަ 11:33
ޗީފް އޮފް ޑިފެންސް ފޯސް އަބްދުﷲ ޝަމާލް
ޗީފް އޮފް ޑިފެންސް ފޯސް އަބްދުﷲ ޝަމާލް އެމެރިކާ އަށް ކުރެއްވި ދަތުރުފުޅު ނިންމަވާލެއްވުމަށް ފަހު ހޯމަ ދުވަހު އެނބުރި މާލެ ވަޑައިގެންފިއެވެ.
ޝަމާލް އެމެރިކާއަށް ފުރާވަޑައިގަތީ މެއި މަހުގެ 19 ވަނަ ދުވަހު ލެންފެކް ސިމްޕޯސިއަމް އެންޑް އެގްޒެބިޝަން 2019 ގައި ބައިވެރިވެ ވަޑައިގަތުމަށެވެ.
އިންޑިއަން ޕެސިފިކް އޯޝަންގެ ގައުމުތަކުގެ އަސްކަރިއްޔާތަކުގެ ގުޅުން ބަދަހި ކުރުމަށް ބޭއްވި މި ސިމްޕޯޒިއަމް ކުރިއަށް ގެންގޮސްފައިވަނީ މި މަހުގެ 21 ވަނަ ދުވަހުން ފެށިގެން 23 ވަނަ ދުވަހުގެ ނިޔަލަށް އެމެރިކާގެ ހަވާއީގައެވެ.
މި ދަތުރުފުޅުގައި ޗީފް އޮފް ޑިފެންސް ފޯސްގެ އަރިއަހުގައި ސާޖަންޓް މޭޖަރ ހަސަން ފަޔާޒް ވަނީ ބައިވެރިވެވަޑައިގެންފައެވެ.
