ދިއްފުށީގައި ފުލުހުން ހަރަކާތްތެރި ވަނީ!
25 މެއި 2019 | ހޮނިހިރު 03:20ވައްކަމުގެ މައްސަލައަކާ ގުޅިގެން ރަށުގައި ވަނީ ހަމަނުޖެހުން ބޮޑުވެފައި
ކ. ދިއްފުށީގައި ފުލުހުން ހަރަކާތްތެރިވަމުން ދާ ކަމަށް ފުލުހުންގެ އިދާރާ އިން ބުނެފިއެވެ.
ދިއްފުށީގައި ހުކުރު ދުވަހުގެ ރޭ ފުލުހުން ހަރަކާތް ތެރިވާން ފަށާފައި މި ވަނީ އެ ރަށުގައި ވައްކަން ކުރާ މައްސަލަ ބޮޑުވެގެން މިދިޔަ ބުދަ ދުވަހާއި ބުރާސްފަތި ދުވަހުގެ ރޭ ރައްޔިތުން ނުކުމެ ވަގު ހޯދަން ކުރި މަސައްކަތާ ގުޅިގެން ހަމަނުޖެހުންތަކެއް ހިންގާފައިވާ ދަނޑިވަޅެއްގައެވެ.
މި ހަމަނުޖެހުމުގައި ވައްކަން ކުރިކަމަށް ތުހުމަތު ކުރެވޭ އުމުރުން 32 އަހަރުގެ މީހެއްގެ ބަންދަން ތުލުސްދޫ ކޯޓުން މިހާރު ވަނީ 10 ދުވަހުގެ މުއްދަތެއް ޖަހާފައެވެ.
ފުލުހުން މި މީހާ ހައްޔަރުކޮށްފައިވަނީ ހަމަނުޖެހުންތަކުގައި ލިބުނު އަނިޔާއަށް ދިއްފުށިން ފަރުވާ ހޯދުމަށްފަހު ތުލުސްދުއަށް އޭނާ އައި ފެރީއަށް ފުލުހުން އަރައިގެން ކަމަށް މައުލޫމާތު ލިބިފައި ވެއެވެ.
